اسلامی جمعیت حزبی نینگ اجراییه ریاستی باشلیغی همده بلخ ولایتی نینگ والیسی عطامحمدنور، اتفاقداش بویوکلری بیلن مصلحت اوتکزیب تیز آره ده ولایت مقامیدن استفعا بیریش‌گه قرار قبول قیله‌دی.
سونگی کونلری ملی بیرلیک حکومتی نینگ اجراییه ریاستی باشلیغی عبدالله‌عبدالله و بلخ ولایتی نینگ والیسی عطامحمد نور اورته‌سیده تره‌نگلیکلر کوتیلمه‌گن درجه‌ده آشدی. عطا، عبدالله‌عبدالله نا توانلیککده عیبله‌دی.
شونینگدیک ملی بیرلیک حکومتی اوچون قول قوییلگن شرطنامه عملی بولیشی اوچون عبدالله نی تنقید آستیگه آلدی عطا.
او، بوگون بلخ ولایتیده قیلگن چیقیشی‌ده جمهور رییسلیک رایی بیلن کیلیب استعفا بیریشینی بیلدیردی. شونینگدیک کیله‌جک جمهور رییسلیک سیلاولرده اشتراک قیلیشی ولایت مقامیدن استعفا بیریش نینگ باشقه بیر دلیلی دیگن جناب عطا.
اوتگن هفته مزار شریف شهریده مارشال فهیم قیسم وفاتی نینگ اوچ ییللیگی مناسبتی بیلن اوتکزیلگن ییغین‌ده عطامحمد نور اوتگن سیلاولرده عبدالله‌عبدالله نی حمایت قیلگن لیگی اوچون خلقدن عذر سوره‌دی. حکومت نینگ اجراییه ریاستی باشلیغی ایسه جناب عطا نینگ سوزلرینی ایشیتیب کورمه‌گن لیگینی بیلدیردی.
