.jpg)
سیلاولر ایرکین کمیسیونی ینگی کمیشنرلرینینگ ایتیشیچه، سیلاولر برابریدهگی برچه قیینچیلیکلرنی باشقه ادارهلر و قوریلمهلر همکارلیگیده حل ایتیشلری ممکن. اولرنینگ کوپهیتیریشیچه، سیلاولر تنیق شکلده یولگه قوییلیشی خصوصیده، قیینچیلیگی بولگن لایحهلر، سیلاولر ینگی قانونی اساسیده، اصلاح ایتیلهدی.
خبری بیر ییغینده سوزگه چیققن سیلاولر ایرکین کمیسیونینینگ ینگی باشلیغی نجیبالله احمدزینینگ ایتیشیچه، سیلاولرگه اصلاحات کیریتیش اوچون مملکت بویلب 7 مینگ آواز بیریش مرکزنی تیکشیریب و اولرگه اوزگریش کیریتهدی.
جناب احمدزینینگ ایتیشیچه، خلق ایشانچینی قیتهدن قولگه کیریتیش اوچون طرفسیز و تنیق شکلده سیلاو یولگه قوییلیشی خصوصیده، سعی و حرکت قیلهدیلر.
سیلاولر ایرکین کمیسیونینینگ باشلیغی، سیلاولر یولگه قوییلیشی اوچون امنیت تأمین ایتیلیشینی اساسی شرط دیب و امنیتی کوچلردن بو توغریده همکارلیک قیلیشلرینی سورهگن. او، ایچکی و تشقی نظارت قیلووچیلردن ایشلرینی یخشی بیر شکلده عملگه آشیریشلرینی طلب قیلگن.
سیلاولر ایرکین کمیسیونی رسمیلرینینگ ایتیشیچه، قچانکه سیلاولرنی یولگه قوییش زمانینینگ رویخطینی تیارلسه میدیالرنینگ اختیاریده قویهدیلر.
سیلاولر کمیسیونلرینینگ ینگی کمیشنرلری، اوتگن هفته، جمهور رییس غنینینگ بویروغی اساسیده تانیشتیریلدی و جناب غنی باشقه بیر فرمان اساسیده، سیلاولر کمیسیونلرینینگ سابق اعضالرینی، سابق امتیازلری بیلن اوزینینگ مصلحتچیلری صفتیده تعیین قیلگن.
