افغانستان جمعیت اسلامی حزبی اجرایی باشلیغی و بلخ حاکمی عطامحمد نور، جمهور رییس‌گه اشاره قیلیب ایتیشیچه، تدارکات کمیسیونی قولی‌نینگ آستیده بولگن‌لر و ملی قراردادلر امضاسی اختیاریده بولگن‌لر اوغیری دیر. اونینگ ایتیشیچه، ملی بیرلیک حکومتی‌ده استبداد اوج‌گه ییتیشگن و قدرت نیچه خاص کیشی‌نینگ قولی‌ده قالگن.
بوگون حمایتی بیر ییغینده نطق سوزله‌گن جناب نور، ملی بیرلیک حکومت باشلیغ‌لریدن جدی تنقید قیلدی.
انقره ده افغانستان‌نی قوتقریش نامی‌ده عالی بیرلشیک کینگش ایجاد ایتیلگنی‌دن سونگ بلخ حاکمی بیرینچی مرته سوزگه چیقیب ایتیشیچه، افغانستان‌نی قوتقریش عالی بیرلشیک کینگشی ایجاد ایتیلگنی‌دن مقصد، حکومت‌گه اصلاحات کیریتیش دیر.
بلخ حاکمی‌نینگ ایتیشیچه، امنیتی وضعیت ناکاره‌لیک و مدیریت‌سیزلیک سبب کونسایین یمان بولیب و هر کون افغانستان فرزندلریدن قربانلیک آله‌دی، «بیراق بیرقطار کیشی‌لر یالغیز پول ییغه‌دی.»
جناب نور، سوزلرینی باشقه بولیمی‌ده اجراییه ریاستی و داکتر عبدالله نی تنقید آستی‌گه آلیب علاقه‌سی کیسیلیش دلیلی حکومت‌ده عبدالله عبدالله‌نینگ صلاحیتی و ظرفیت‌سیزلیگی‌ده دیگن. شونینگ‌دیک، جمعیت حزبی اجرایی باشلیغی، یشاوچیلرنینگ سونگی اعتراض‌لریدن اجراییه ریاستی حمایه قیلمه‌گنینی «اویت‌لی» دیب بیله‌دی.
شونینگ‌دیک، عطامحمد نور، جمهور رییس بیرینچی اورین باسری عبدالرشید دوستم و احمد ایشچی‌نینگ قضیه‌سینی سیاسی بولگن دیب ایتیشیچه، بو قضیه حقوقی دیر و تشقی اداره‌لر بونی سیاسی قیلمه‌سی کیره‌ک.
عالی بیرلشیک کینگشی افغانستان‌نی قوتقریش یول دیگن عطامحمد نور، بو بیرلشیک‌نی برچه بولیم‌لرده برنامه‌سی بار و ملی بیرلیک حکومت‌گه اصلاحات کیریتیش خصوصیده، جدی قرار آلگنینی بیلدیرگن. او، تشقی مملکت‌لر و خلق ارا اداره‌لردن بو بیرلشیک‌نی برابریده «دان تیرمه‌ی» و حدلریدن آشمس‌لرینی سوره‌دی.
بلخ حاکمی‌نینگ کوپه‌یتیریشیچه، او هیچ بیر مملکت‌گه باغلیق ایمس و حکومت اصلاح بولمه‌گن صورتده و مملکت‌لر طرف واقع بولگنده، «بیزلر هر مملکت‌دن فایده‌لنه‌میز دیگن.»
ملی بیرلیک حکومت، 9- سرطان جمعیت اسلامی، وحدت و جنبش ملی حزب‌لری ترکیه‌ده افغانستان‌نی قوتقریش نامی‌ده بیر بیرلشیک تشکیل بیرگن بیرچاغده، عطامحمد نور تامانیدن جدی تنقیدگه دوچ کیلگن.
