نورستان ولایتی‌نینگ معارف ریاستی رسمیلری، اوقیتوچی آزلیگی، ساختمان بولمه‌گنی و ولایتده اورگه‌تیش نرسه‌لری یوق‌لیگی سبب کوپلب قیینچ‌لیکلر بیلن روپه‌ره‌لیکلرینی معلوم قیلگنلر.
رسمیلر، آلتی آیدن بیری اوقووچیلر یوزیگه مکتب‌لردن کوپیسی یاپیلگن و شو اوچون اوقووچیلر اوقیشدن محروم قالگنلر دیگن.
معارف رسمیلریگه کوره، نورستان ولایتیده 225 مکتب‌دن فقط 40 ته‌سیگه ساختمانی بار و باشقه مکتبلر اوقووچیلری آچیق فضا، درخت وچادرلر آستیده درس اوقیدیلر.
نورستان معارفی باشلیغی محمدامین حمادنینگ سلام‌وطندارگه ایتیشیچه، دولت و طالبلر اورته‌سیده گی دواملی اوروشلرده ولایت مکتب‌لریدن 7 ته‌سی یاندیریلگن و 6 ییلدن بیری 2 لیسه یاپیق قالگن.
جناب حماد معارف وزیرلیگیدن ولایتده اوقیتیشنی تیزلشتیریش اوچون، مکتبلر ساختمانینی توزه تیش ایشینی قول اوستیگه آلیشی طلب قیله‌دی.
بیراق نورستان والیسی‌نینگ ایتیشیچه، اوتمیشدن اداری فساد بارلیگی سبب 14 مکتب ساختمانی نینگ توزه‌تیش ایشی توخته‌تیلگن ایدی، قیته‌دن باشلنگن.
نورستان والیسی حافظ عبدالقیوم‌نینگ سلام‌وطنداربیلن قیلگن صحبتده، نه فقط ولایت معارف ریاستیده ایش سیزلیک و مسؤولیت‌سیزلیک بار، بلکه ولایت بویلب توجه‌سیزلیکلر سیزیله‌دی دیدی.
او، شوحاضر ولایت معلم تربیه‌لش، تخنیکی و مسلکی انستیتوت و دارالعلوم ساختمانلری توزه‌تیش جریانی بار، اما معارف وزیرلیگینی انتقاد قیلیب، بو وزیرلیک نورستانده معارف بولیمی‌ده کیره‌کلی توجه قیلمه‌گن دیدی.
معارف وزیرلیگی‌نینگ سوزلاوچیسی مجیب مهرداد، نورستان والیسی‌نینگ ولایت بویلب معارف اوستیده قیلگن انتقادینی رد قیله‌دی.
جناب مهردادنینگ ایتیشیچه، امنیتی قیینچی‌لیک و ولایت اوزاغ‌لیگی سبب اورگه‌تیشده کمچی‌لیک بار.
معارف وزیرلیگی‌نینگ سوزلاوچیسی، نورستاندن باشقه ولایتلرهم امنیتی قیینچی‌لیکلربیلن روپه‌ره‌لر، اما معارف وزیرلیگی مملکت بویلب ولایتلرده اورگه‌تیش سیستمه‌سی بیرتینگ عملگه آشیریلیشیده تلاش قیله‌دیلر.
نورستان ولایتی‌نینگ معارف رسمیلری، اوتگن ییل ولایت بویلب 300 کیشی و بوییل 150 کیشی فارغ بولیب کانکورگه اشتراک قیلگن دیب کوپه‌یتیره‌دی.
