ننگرهار ولایتینینگ هندو مذهب اوقووچیلری بیرینچی مرته مکتب گه ایگه بولهدیلر.
ننگرهار محلی مسئولرینینگ ایتیشیچه، اوشبو مکتب 90 مینگ دالر خرجت بیلن 8 بسوهلیک بیر ییرده قوریلگن و 6 تعلیم صنفی بار.
اوشبو مکتب نی آچیش و معارف وضعیتی نی تیکشیریش اوچون ننگرهار ولایتیده سفر قیلگن معارف وزیرلیگی سرپرستی میرویس بلخینینگ ایتیشیچه، کیلهجک 10 ییل معارف دههسی دیر. اونینگ ایتیشیچه، بو مدتده معارف متمرکز بولمهی و مسئولیتلر کابل و ولایتلر آرهسیده تقسیم بولیش اوچون سعی و حرکت بولیشی ممکن.
ننگرهار هندو مذهبلری اوشبو مکتب قوریلیشیدن خرسندلیک بیلدیریب ایتیشلریچه، حکومت اولرگه کوپینچه توجه قیلیشی کیرهک.
هندو مذهب اوقیتوچیلریدن اقبال سینگنینگ ایتیشیچه، اولرنینگ بالهلری افغانستاننینگ باشقه یشاوچیلری کبی تعلیمات آلیشیدن خرسند دیر.
شوندی بیرحالده، نیچه آی آلدین ننگرهار شهریده یوزبیرگن بیر خودکش هجومده 19 کیشی هلاک و باشقه 20 کیشی تَنجراحتی کوتاردی. اوشبو حادثه قربانیلری آرهسیده مملکت هندو مذهبلرینینگ فعال سیمالریدن اوتارسینگ خالصه شامل ایدی. او، نمایندهلر کینگشی سیلاوینینگ نامزدلریدن بیریسی ایدی.
