.jpg)
پاکستان باش وزیری نواز شریف، مملکتی توپراغیده قوراللی طالبلرنینگ رهبری ملا منصور امریکه نینگ اوچوچی سیز باشقریله دیگن حربی اوچاقلری عملیاتی عاقبتیده اولدیریلگن لیگینی قتیق قاره له گن.
او، امریکه نینگ حربی اوچاقلری پاکستان توپراغیده عملیات اوتکزیشی بو مملکت ییر بوتونلیگی نی آیاق آستی قیلیش دییه تاکید ایتگن.
عین حالده، پاکستان تشقی ایش لر وزیرلیگی بیر بیانات نشر قیلیب، امریکه لیک حربی لرنینگ عملیات توغریسیده پاکستان رسمی لر جریانگه قوییلگنی نی قید ایتگن ایدی.
خبرنامه ده کیلیشیه، ملا منصور پاکستان تقلبی کیملیگی و گذرنامه سی بولگن بیر پیت دهنقان چیگره حدودیدن کویته تامان حرکت ده بولگن هوا دن بیریلگن ضربه نتیجه سیده اولدیریلدی.
باشقه تاماندن طالبان حربی یوقاری مرتبه لی رسمیلری بیلن یقین علاقه ده بولگن طالب لرنینگ آدم لریدن بیری ملا منصور تیریک دیگن. او، اوچ کوندن سونگ اونینگ ویدیولوحه سی نشر ایتیله دی دیدی.
شونینگ دیک طالب لرنینگ مطبوعات مسوولی عمران خلیل، ملا منصور قتلی نی قاره لب، بو خبر یالغان دیگن.
عین حالده، جنگری طالب لرگه وفادار شخص لرنینگ سوزلریگه کوره، امریکه حربی لرنینگ عملیات آقیمیده تویگه کیته دیگن طالب لرنینگ بیر قنچه سی هلاک بولگن. کوچلی احتمال بیلن عملیات ده طالبلر نینگ قضایی قوه مسوولی ملا شیخ عبدالحکیم هم عالم دن اوتگن بولیشی ممکن.
