ننگرهار ولایتی نینگ کامه تومنیده تاش قازیب چیقارووچی بیر قنچه کانچیلر، کانلر ایگه‌سی تامانیدن کوندهلیک حقلری تولنمگن‌لیگیدن شکایت قیلگنلر.
اوشبو کانچیلر، عایله‌‌نی بیر آغیز قوروق نان بیلن تامینلش مقصدیده هر کون ایرتلبدن کیچگه قدر تاش قازیب چیقاریش نیتیده آغیر ایش بیلن شغلله‌نیشلرینی بیلدیرگنلر. اما، بو آغیر ایش مقابلیده کَم مقدارده کوندهلیک معاش قولگه کیریته دیلر و ایریم حاللرده ایسه شو کَم مقدارده‌گی حقوق هم تولنمیدی.
کامه تومنی نینگ تاش کانیده ایش بیلن شغللنه دیگن ننگرهار ولایتی خیوه تومنی نینگ اهالیسی بولمیش مدیر، اوشبو تاش کانی‌نی اختیاریگه آلگن شخصلر تاش قازیب چیقاروچی کانچیلرگه کوندهلیک معاشلرینی بیرمس‌لیگینی سلام‌وطندارگه ایتگن.
«تاش قازیب چیقاریلگن حالده 1000 کلدار فایده بار و تاش قازیب چیقاریلمه‌گن تقدیریده فقط 10 کونده بیزگه 150 کلدار بیره‌دی دیدی» اوشبو کانچی.
تاش کانلریده ایش قیلیش آسان کیچمس‌لیگینی تیلگه آلگن کانچیلردن ینه بیری سخی گل، ایریم حاللرده تاش قازیب چیقاره دیگن پیت تاشلر نوره‌ب ایشچیلرنینگ یره‌له‌نیشی گه باعث بوله‌دی دیدی.
ولایت کانچیلری‌نینگ وضعیتی توغریسیده خواطر بیلدیرگن ننگرهار ایشچیلر بیرلشمه‌سی نینگ باشلیغی لیاقت عادل، کانلر ایگه‌سی ایش قانونی‌گه ضد چاره‌سیزلیکدن بو ایشچیلرنی خذمتگه آله دیگن.
15 ییل آقیمیده تاشلر پارتله‌شی همده نوره‌شی نتیجه‌سیده اوشبو کانلرده یوزلب کیشی آغیر – یینگیل یره‌لنگن دیدی جناب عادل.
ننگرهار ایش واجتماعی مساله‌لر بوییچه اداره نینگ باشلیغی عبدالحکیم شیرزاد، کامه ولسوالیگی نینگ تاش کانیده کانچیلرنینگ کوندهلیک معاشی تولنمس‌لیگینی تصدیق ایتگن. جناب شیرزاد، کانچیلرنینگ آغیر ایش بیلن شغلله‌نیشی ینه بولرنینگ کوندهلیک حقوقی تولنمس‌لیگیدن تشقری ایریم موضوعلر اوستیده کان ایگه‌لری بیلن گپریلگن؛ لیکن هنوزگچه بولرگه هیچ قنده‌ی اعتبار قره تیلمه‌گن دیگن.
او، ولایت نینگ بیر قنچه یشاووچیلری ایش سیزلیک همده اقتصادی قشلاق سبب کانلرگه باریب آغیر ایش جمله‌دن تاش قازیب چیقاریش فعالیتی‌گه تَن بیریشلرینی تیلگه آلگن.
بیراق، ننگرهار ولایتی والیسی نینگ سوزلاووچیسی عطالله خوگیانی، کانچیلرنینگ موجود قیین‌چیلیگی ولایت رسمیلری بیلن اورته گه قویلگن‌لیگنی تیلگه آلگن. سوزلاووچی، تیگیلشی اداره‌لر همکارلیگی بیلن بو توغریده‌گی معماگه ییچیم یول تاپیش اوچون سعی وحرکت آلیب باریلماقده دیگن.
