ننگرهار ولایتی‌نینگ شیرزاد و خوگیانی تومن‌لریده طالبان و داعش گروهی آره‌سیده، یوز بیرگن آتیشمه‌لر نتیجه‌سیده، 3 مینگ عایله آواره بولگن.
آواره بولگن‌لر خوگیانی، سرخ‌رود و جلال‌آباد شهری‌نینگ تینچ منطقه‌لریده جای‌لشگنلر و دولت‌دن همکارلیک قیلیش‌نی ایسته‌یدیلر.
ننگرهار ولایتی بوییچه مهاجرلر اداره‌سی باشلیغی نجیب‌الله قیومی نینگ ایتیشیچه، تیزلیک‌که آواره بولگنلرگه یاردم‌لر توزیع ایتیله‌دی.
باشقه بیرتاماندن، فاریاب ولایتی نینگ دولت‌آباد دومنیده امنیتی کوچلر و طالبان گروهی آره‌سیده یوز بیرگن آتیشمه نتیجه‌سیده، 400 عایله آواره بولگن.
دولت‌آباد تومنی نینگ ولسوالی عبدالرازق کاکر، مذکور آتیشمه‌ده طالبان جنگریلریدن 30 ته‌سی هلاک ایتیلگنی‌نی ایته‌دی، بیراق امنیتی کوچلر تلفاتی خصوصیده صحبت قیلمه‌یدی.
عین‌حالده، شرق حوزه‌سیده جای‌لشگن 201 سیلاب قول اردو قومندانلیگی بیر خبرنامه آرقه‌لی، ننگرهار ولایتیده طالبان جنگریلریدن 9 ته‌سی نینگ هلاک ایتیلگنی‌دن خبر بیرگن، بیراق داعش تلفاتی خصوصیده معلومات بیرمه‌گن.
داعش و طالبان گروهی حاضرگه‌قدر مذکور آتیشمه‌لر خصوصیده میدیالر بیلن صحبت قیلمه‌گن.
