ننگرهار ولایتیده کانال باشلیغی سیدآغا میاخیل‌نینگ ایتیشیچه، اوتگن ییل مذکور ولایتده زیتون محصولاتی 600 تُن گه ییتیشگن ایکن؛ بیراق جاری ییل‌ده بو محصولات 60 تُن گه کمه‌یگن.
میاخیل گه کوره، اوشبو ولایت‌نینگ زیتون محصولاتی تیزلیک‌که کود و کیمیایی ماده بیریلمه‌گنی، دال‌لری معیاری شکلده کیسیلمه‌گنی و تخنیکی قیین‌چیلیک‌لر باعث، آزه‌یگن.
بیراق، ننگرهار حاکمی حیات‌الله حیات، زیتون محصولاتی ییترلی شکلده کمه‌یگنی گه اشاره قیلیب ایتیشیچه، محصولات کمه‌ییشی گه کانال ریاستی‌نینگ دقت سیزلیگی سبب بولگن بولسه، مذکور اداره‌نینگ مسؤوللری قانون اساسیده، تیرگاوگه آلینه‌دی.
عین حالده، ننگرهار ولایتیده زیتون ایش‌خانه‌سینی باشلیغی عتیق‌الله نایل گه کوره، مذکور ایش‌خانه‌نی ماشین‌لری ییپرنگنی و مسلکی ایشلاوچی کم‌لیگی باعث، ایش‌خانه‌نی ایشی آرتده قالیب و زیتون قیته ایشلب چیقاریلیشی کمه‌یگن.
ننگرهار ولایتیده ایجاد ایتیلگن کانال ریاستی‌نی سابق 1500 ایشلاوچیسی بار ایدی؛ بیراق حاضر 800 ته‌سی قالگن.
