ننگرهار محلی رسمی‌لری‌نینگ ایتیشیچه، مذکور ولایت‌نینگ کوت تومنی‌ده داعش گروهی جنگری‌لری، تورت باله، اوچ عیال و بیر ایرکک‌نی آتیب اولدیرگن و باشقه 7 کیشی‌نی یره‌لنتیرگن.
ننگرهار حاکمی سوزلاوچیسی عطاءالله خوگیانی‌نینگ سلام‌وطندارگه ایتیشیچه، داعش گروهی، آتیب اولدیریلگن 8 کیشی‌دن باشقه 30 تینچ اهالی‌نی گروگان آلگن و امنیتی کوچلرنینگ عملیاتی نتیجه‌سیده، اولردن بیرقطاری، قوییب یوباریلگن.
جناب خوگیانی‌گه کوره، شونینگ‌دیک، داعش گروهی 23 اولتیریش اوی‌نی اوتگه یاندیرگن.
ننگرهار حاکمی سوزلاوچیسی‌نینگ ایتیشیچه، امنیتی کوچلر ییر و هوا دن داعش مواضع‌لرینی هدف قرار بیرگن؛ اوشبو هوایی هجوم‌لرده امیریکه کوچلری هم اشتراک ایتگن.
حاضرگچه اوشبو عملیات‌لر نتیجه‌سیده، کوت و اچین تومن‌لریده 47 داعش هلاک بولگن و باشقه 30 ته‌سی جراحت‌لنگن. شونینگ‌دیک، ایکی امنیتی عسکر هلاک بولیب و باشقه 3 ته‌سی یره‌لنگن.
داعش گروهی حاضرگچه بوتوغریده میدیاگه هیچ نرسه دیمه‌گن.
