ننگرهار ولایتی کینگشی باشلیغی اجمل عمرنینگ ایتیشیچه، اوتگن کیچه 02 قطعه کوچلری ننگرهارنینگ شیرزاد تومنی‌ده عملیات اویوشتیرگن و نتیجه‌ده 15 تینچ اهالی و بیر طالب هلاک و باشقه 9 کیشی تن‌جراحت آلگن.
شیرزاد تومنی‌نینگ قوم بویوک‌لریدن مجید خوگیانی‌نینگ ایتیشیچه، هلاک بولگن‌لر آره‌سیده 5 باله و 3 آق‌سقال و قطار چوپان‌لر شامل دیر.
عین حالده، سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی بو عملیات نی تصدیقله‌یدی؛ بیراق اولگن‌لرنینگ سانی و کیم‌لیگی توغریسیده هیچ نرسه دیمه‌گن.
خوگیانی جنابلری‌گه کوره بو توغریده تدقیقاتلر باشلنگن و اونینگ نتیجه‌سی رسانه‌لرنینگ اختیاری گه قرار بیریله‌دی.
شونینگ‌دیک بوندن آلدین ننگرهارنینگ ایریم بولیمی‌ده 02 قطعه کوچلری‌نینگ عملیاتی نتیجه‌سیده تینچ اهالی نشانگه آلینیب و مردم بو خصوصده قرشیلیک بیلدیرگن ایدی.
