ننگرهار محلی رسمی‌لری، جلال‌آباد شهری‌نینگ بیرینچی ناحیه‌سیده 3 پارتلش یوز بیرگنینی بیلدیرگن و بو پارتلش‌لر کریکت میدانیده اویین جریانیده یوز بیرگن.
ننگرهار حاکمی‌نینگ سوزلاوچیسی عطاالله خوگیانی‌نینگ ایتیشیچه، اوشبو واقعه نتیجه سیده 8 کیشی هلاک بولیب و باشقه 43 کیشی یره‌لنگن. ننگرهار ولایتی کسلخانه‌سی‌نینگ رسمیلری‌گه کوره، یره‌لنگن‌لردن 7 ته‌سی‌نینگ ساغلیق وضعیتی یمان دیر.
عینی گواه‌لرنینگ ایتیشیچه، بیرینچی پارتلش خبرچی‌نینگ اتاقی نی یقینیده و باشقه پارتلش‌لر ایسه سپورت میدانی یقینیده یوزبیرگن.
اوشبو واقعه مسوولیتی نی حاضرگچه هیچ‌کیم بوینیگه آلمه‌گن.
کریکت اویین‌لری رمضان جامی نامیده هرییل ننگرهار ده یولگه قوییله‌دی. جاری ییلده‌گی اویین‌لرهم اوچ کون آلدین جلال‌آباد شهریده باشلنگن.
