ننگرهار ولایتیده بیر مسجدده یوز بیرگن پارتلش ملی و خلق ارا بوییچه جدی عکس‌العمل‌لرگه سبب بولدی.
ننگرهار ولایتی نینگ هسکه مینه تومنیده بیر مسجدده یوز بیرگن کیین مه کیین پارتلش نتیجه‌سیده 66 کیشی هلاک و باشقه 50 دن آرتیق کیشی یره‌لنگن و بو واقعه ملی و خلق ارا عکس العمل‌لر و قاره‌لش‌لرگه روپه‌ره بولدی.
جمهور رئیس محمداشرف غنی، ننگرهار ولایتیده یوز بیرگن پارتلش‌گه عکس‌العمل بیلدیریب ایتیشیچه، طالبان گروهی بونده‌ی ترورچیلیک هجوم گه قول اوریب و شونینگدیک، داعش گروهی شامل باشقه ترورچیلیک گروهلرگه زمینه یره‌ته‌دی.
اوشبو پارتلش بیرلشگن ملت‌لر تشکیلاتی، ناتو تشکیلاتی، کابل بوییچه آمریکا ایلچی خانه‌سی، اسلامی کنفرانس‌لر تشکیلاتی، انسان حقوقی بوییچه اداره‌لر، جمهورلیک ریاست سرایی، اجراییه ریاستی و منطقه مملکت‌لریدن بیر قطار تامانیدن جدی شکلده قاره‌لندی.
عین حالده، خلق ارا کیچیریم تشکیلاتی بو واقعه‌نی اوروش جنایتی بیلیب و بو واقعه عامل‌لری و ریجه‌لشتیرووچی‌لری قولگه آلینیب و جزالنتیریلیشی‌نی طلب قیلدی.
افغانستان بوییچه آمریکا ایلچیسی جان بس، مسجدده نماز اوچون کیلگن‌لر اولدیلیشی‌نی قبول قیلینمس دیب اورغولشیچه، بوتون افغانستانلیک‌لر تینچ فضاده یشه‌ب و عبادت قیلیش گه حقلی دیر.
شونینگدیک، پاکستان تشقی ایشلر وزیرلیگی، اوشبو واقعه‌نی ترورچیلیک بیر عمل دیب و بو واقعه‌ده قربان بولگن‌لرنینگ عایله اعضالریگه قیغوداشلیک بیلدیرگن.
عین دمده، ایران تشقی ایشلر وزیرلیگی و ملی بیرلیک حکومت رهبرلری بو پارتلشنی قتیق قاره‌لشگن.
شو توغریده…
