بوگون «یکشنبه» توشدن سونگ، جلال‌آباد شهریده یوز بیرگن خودکش هجوم نتیجه‌سیده 19 کیشی هلاک و باشقه 20 کیشی یره‌لنگن. ایتیلیشیچه، هلاک ایتیلگن‌لردن 10 ته‌سی هندو بولگن.
سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی اوشبو خبرنی تصدیق‌لب ایتیشیچه، هلاک ایتیلگن‌لرگه هندولر هم شامل دیر. بیراق اونینگ ایتیشیچه، بو واقعه‌ده 12 کیشی هلاک و باشقه 20 کیشی یره‌لنگن.
باشقه تاماندن، ننگرهار خوفسیزلیک قومندانلیگی مطبوعات مسؤولی فریدنینگ سلام‌وطندارگه ایتیشیچه، بوگون توشدن سونگ، ننگرهارده یشه‌یدیگن هندولردن بیرقطاری، جمهور رئیس بیلن اوچره‌شیش اوچون باره‌دیگن بیرچاغیده، جلال‌آباد شهری‌نینگ بیرینچی ناحیه‌سیده خودکش هجوم گه دوچ کیلگن.
شونینگدیک، او بو واقعه‌ده هندولردن بیرقطاری هلاک ایتیلیب و یره‌لنگنینی تصدیق‌لیدی و یره‌لنگن‌لردن بیرقطاری‌نینگ احوالی آغیر دییلگن.
خودکش هجوم جمهور رئیس غنی رسمی بیر سفرده جلال‌آباد بارگن بیرچاغده یوز بیرگن.
