بوگون «جمعه» ایرته‌لب ننگرهار ولایتیده نماینده‌لر کینگشی اعضالریدن بیری فریدون مومندنینگ مهمان‌خانه‌سی اوستیگه اویوشتیریلگن هجوم نتیجه‌سیده، 3 کیشی هلاک و 5 کیشی یره‌لنگن. اوشبو واقعه قربانلری‌نینگ آره‌سیده بیر باله و بیر عیال کورینگن.
ننگرهار حاکمی سوزلاوچیسی عطاالله خوگیانی‌نینگ ایتیشیچه، وضعیت عادی حالت گه قیتگن، بیراق امنیتی کوچلر اوچینچی هجومچی‌نی قولگه آلیش اوچون سعی و حرکت قیلماقده.
اونگه کوره، هجومچی‌لر اوچ کیشی ایکن.
سلام‌وطندارگه صحبت بیرگن فریدون مومندنینگ اوغلی تیمور مومندنینگ ایتیشیچه، هجومچی‌لردن 2 ته‌سی دستلب قوروقچی‌لر تامانیدن آتیب تشلنگن، بیراق اوچینچی هجومچی حاضرگچه تاپیلمه‌گن.
