سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی‌نینگ ایتیشیچه، اوتگن کیچه ملی خوفسیزلیک کوچلری مذکور ولایت‌نینگ خوگیانی تومنی‌ده عملیات اویوشتیرگن‌لر و نتیجه‌ده طالبان‌نینگ قیزیل قطعه‌سینی قومندانی شامل باشقه 30 طالب هلاک بولگن.
اونگه کوره، اوشبو عملیات‌ده طالبان‌نینگ 5 حربی مرکزی اورته‌دن کیتگن.
ننگرهار حاکمی سوزلاوچیسی‌نینگ کوپه‌یتیریشیچه، مذکور عملیات‌ده خوفسیزلیک کوچلر و تینچ‌اهالی گه هیچ‌قندی ضرر ییتمه‌گن.
بیراق طالبان گروهی بیر خبرنامه ترقه‌تیبب بو خبرنی رد قیلگن.
طالبان گروهی‌نینگ خبرنامه‌سیده کیلیشیچه، اوشبو گروه و خوفسیزلیک کوچلری‌نینگ آره‌سیده‌گی آتیشمه‌ده 16 کوماندو و 3 طالب هلاک بولگن.
ننگرهار مملکت‌نینگ شرقی ولایت‌لریدن دیر. طالبان و داعش‌نینگ بو ولایت‌ده کینگ شکلده فعالیتی بار.
