ننگرهار حاکمی‌نینگ سوزلاوچیسی عطاالله خوگیانی‌نینگ ایتیشیچه، قورالی طالبلر اوتگن کیچه گروهی شکلده مردمی کوچلرنینگ بتی‌کوت تومنیده‌گی پوسته‌لریگه هجوم قیلگن‌لر.
اونینگ ایتیشیچه، مردمی کوچلر و قورالی طالبلر آره‌سیده یوز بیرگن آتیشمه نتیجه‌سیده طالبان جنگریلریدن 29 ته‌سی و مردمی کوچلردن 13 ته‌سی هلاک ایتیلگن.
ننگرهار حاکمی‌نینگ سوزلاوچیسی گه کوره، آتیشمه بوگون یرته گچه دوام ایتگن و کمکی کوچلر محلده باریب طالبلرنی کینگه اورگن.
جناب خوگیانی گه کوره، حاضرده امنیتی کوچلر تامانیدن تازه‌لش عملیات یولگه قوییلگن.
طالبان گروهی میدیالرگه پیام یوباریش بیلن اوتگن کیچه صورت تاپگن هجومده امنیتی کوچلرگه کوپینچه تلفات ییتیشگنی‌نی ادعا قیلگن؛ بیراق طالبان تلفاتی خصوصیده معلومات بیرمه‌گن.
