ننگرهار ولایتیده قیز اوقووچی‌لردن بیرقطاری نینگ ایتیشیچه، اوشبو ولایت مکتب‌لری یازلیک تعطیلات عره‌فه‌سیده بولگن بیرچاغده، حاضرگه‌قدر اولر اوچون کیله‌جک تعلیمی ییل درسی کتاب‌لرینی ترقه‌تیش باشلنمه‌گن.
اوشبو اوقووچی‌لر مذکور ولایت نینگ معارف ریاستی‌دن یازلیک تعطیلات ییتیشی بیلن اوقووچی‌لرگه درسی کتاب‌لر ترقه‌تیش جریانی باشله‌نیشی‌نی سوره‌یدی و اولر فرصت‌دن فایده‌لنیب ینگی تعلیمی ییل اوچون تیارگرلیک آله‌دیلر.
ننگرهارلیک اوشبو قیز اوقووچی‌لرنینگ ایتیشیچه، مذکور ولایتده قیزلرگه خاص هیچ بیر تعلیمی کورس یوق دیر و شو یوزه‌دن کیله‌جک ینگی تعلیمی ییل اوچون تیارگرلیک آله آلمه‌یدیلر.
سلام‌وطندارگه صحبت بیرگن اوقووچی قیزلردن بیری زحل نینگ ایتیشیچه، اوچ آی یازلیک تعطیلاتده کیله‌جک ینگی تعلیمی ییل درسی کتاب‌لری اوقووچی‌لرنینگ اختیاریده بیریلگن صورتده، اولر کیله‌جک ینگی تعلیمی ییل‌ده بوتون تیارگرلیک بیلن مکتب گه باره آله‌دیلر.
ننگرهار ولایتی معارف ریاستی سوزلاوچیسی آصف شینواری نینگ ایتیشیچه، اوقووچی‌لر اوچون درسی کتاب‌لر ترقه‌تیلیشی تیزلیک‌که باشلنه‌دی.
اونینگ ایتیشیچه، مذکور ریاست 1398- تعلیمی ییل اوچون اساسی برنامه‌لرنی نظرگه آلگن.
شونینگدیک، ننگرهارده‌گی قیز اوقووچی‌لر، مذکور ولایت نینگ معارف ریاستی‌دن تورلی بولیم‌لرده اولر اوچون قولی‌لیک‌لر یره‌تیلیشی‌نی سوره‌گن.
ننگرهار ولایتیده اوغیل باله‌لرنی یانیده کوپینچه قیزلر هم مکتب باره‌دیلر. اوشبو قیزلرنینگ ایتیشیچه، تعلیمات ایرکک و عیال گه فرض دیر و معارف مسؤوللریدن قیز اوقووچی‌لرگه قرشی قیین‌چیلیک‌لر حل ایتیلیشی خصوصیده سعی و حرکت قیلیش‌لرینی سوره‌یدی.
