د ننګرهار ولایت د کوټ ولسوالۍ تريلي سيمه کې د يوې نښتې پرمهال ۵ تنه وسله وال وژل شوي او ۳ تنه ټپيان شوي دي.
د ننګرهار ولایته په خپره شوې خبرپاڼه کې راغلي، چې وسله والو مخالفینو نن سهار وختي شاوخوا درې بجې د کوټ ولسوالۍ د تريلي په پوسته وسله وال بريد کړی دی، چې له برید سره سملاسي نښته رامنځته شوه.
ورځپاڼه کې لیکل شوي، چې دې نښتې ته د بټي کوټ ولسوال حاجي غالب په مشرۍ د بټي کوټ امنيتي موظفين هم د کوټ تريلي پوستې ته د مرستې لپاره ور ورسيدل.
خبرپاڼه زیاتوي، چې د نښتې په ترڅ کې د تريلي پوستې ۴ تنه سيمه ييز پوليس برسيرن ټپيان شوي.
تر اوسه کومې وسله والې ډلې په دې اړه څه نه دي ویلي.
په دې نښته کې د وسله والو مخالفينو نه یو سراچه موټر او ګڼې درنې او سپکې وسلې د امنيتي ځواکونو لاسته ورغلي دي.
