د ننګرهار چارواکي وايي، د دې ولایت د اچین ولسوالۍ په دېوانهبابا سیمه کې د ملي امنیت عمومي ریاست له لوري د ځانګړیو عملیاتو په ترڅ کې پر روښنايي غورځنګ د برید طرحه کوونکی او د ځانمرګو بریدګرو روزونکی له یو بل قوماندان سره یو ځای وژل شوی دی.
د والي ویاند عطاالله خوږیاڼي سلاموطندار ته وویل، مولوي عبدالقیوم، چې په «شاهین خراساني» مشهور دی. څه موده وړاندې یې د کابل په دهمزنګ سیمه کې د روښنايي غورځنګ پر یو اعتراضیه لاریون د خونړي برید طرحه جوړه کړې وه.
نوموړی وايي، له هغه سره یو بل قوماندان فاروقي هم وژل شوی.
د خوږیاڼي د معلوماتو له مخې، خراسانی ننګرهار کې د داعش ډلې د ۲۰۰ جنګیالیو مشري هم پر غاړه لرله.
د یو بل خبر له مخې، تېره شپه د اچین ولسوالۍ په مامند درې سیمه کې د بهرنیو ځواکونو بېپيلوټه الوتکې د برید له امله درې داعش وسلهوال چې پاکستاني اتباع دي، وژل شوي، ۳ ټپيان او یو ژوندی نیول شوی دی.
تراوسه داعش وسلهوالو په دې اړه رسنیو ته څه نهدي ویلي.
