نماینده‌لر کینگشی‌نینگ اداری هیاتی‌نی سیلش اوچون یولگه قوییلگن سیلاو نینگ 4- کونی‌ده امیرخان یاری نماینده‌لر کینگشی‌نینگ بیرینچی اورین باسری و احمدشاه رمضان اوشبو کینگش ایکینچی اورین باسری صفتیده سیلنگن‌لر.
نماینده‌لر کینگشی باشلیغی سیلنگنیدن اوچ کون اوتیشی بیلن بوگون "سه‌شنبه" نماینده‌لر کینگشی نینگ بیرینچی و ایکینچی اورین باسرلری سیلندیلر.
سیلاو اوشبو دوریده امیرخان یاری 131 ایجابی آواز قولگه کیریتیش بیلن نماینده‌لر کینگشی نینگ بیرینچی اورین باسری و احمدشاه رمضان 119 ایجابی آواز آلیش بیلن ایکینچی اورین باسری صفتیده سیلندیلر.
بیراق، نماینده‌لر کینگشی‌نینگ کاتب و کاتب اورین باسری نینگ سیلش سیلاوی نتیجه‌سی قالدی و کینگش وقتنچه‌لیک کاتبی نینگ اعلان قیلیشیچه، کاتب و کاتب اورین باسرینی سیلش سیلاوی ایرته "چهارشنبه" یولگه قوییله‌دی.
نماینده‌لر کینگشی نینگ ایچکی اصول و ریجه‌سیگه کوره، کینگش کاتب و کاتب اورین باسرینی سیلش سیلاوی نینگ کیینکه دوری ایکی پیشتاز نامزد آره‌سیده یولگه قوییله‌دی.
