.jpg)
سونگی کونلرده نمایندهلر کینگشی، ایشدن آلینگن وزیرلر ایشلریگه دوام بیریشی خصوصیده جمهورلیک سرایینینگ قراری و شونینگدیک، نمایندهلر کینگشی تامانیدن تصدیقلنیشی یا-ده رد ایتیلیشی خصوصیده جمهور رییس فرمانلری یوباریلمهگنینی تیکشیریش اوچون 10 کیشیلیک بیر هیأت تعیین ایتگن. اوشبو هیأت عبدالقیوم سجادی رهبرلیگیده تیکشیروولری نتیجهسینی ایکی مکتوبده نمایندهلر کینگشیگه ارایه ایتدی و بو مکتوبلر، جمهورلیک ریاستیگه یوباریلیشی اوچون قرار قیلینگن.
انچه وقت آلدین، اساسی قانون تطبیق ایتیلیشینی نظارت قیلووچی کمیسیونینینگ ایتیشیچه، قانون اساسیده، نمایندهلر کینگشی، سونگی ییلده سیلاولرگه تیگیشلی موضوعلرنی ایش لایحهسیگه شامل قیله آلمهیدی. بیراق، نمایندهلر کینگشی، اوشبو مکتوبلردن بیریده کمیسیون بیاناتلرینی قانونگه قرشی دیگن.
نمایندهلرنینگ ایتیشیچه، قانون اساسیده، اولر سونگی ییلده سیلاولر قانونیگه تیگیشلی موضوعلرنی لایحهلریگه شامل قیلیب و بحثگه آلهدیلر.
.jpg)
باشقه بیر تاماندن، نمایندهلر کینگشی کمیده اون کون آلدین، رواجلنتیریش بودجهلریدن 70 فایزینی صرفله آلمهگن وزیرلرنی استیضاح قیلیب و 16 وزیردن 7 وزیرنی ایشدن آلدی و باشقه 9 وزیر اوز جایلریده قالدی. شونینگدیک، جمهورلیک ریاستی، ایشدن آلینگن وزیرلر ایشلریگه دوام بیریشینی طلب قیلیب ایتیشیچه، بو موضوع باش محکمه تامانیدن ایزلنهدی و کمیسیون ایسه جمهورلیک سرایینینگ بو ایستهگینی مملکت اساسی قانونیگه قرشی دیگن.
اوشبو هیأت تیکشیروولرینینگ سونگی بولیمیده وزیرلر استیضاحی خصوصیده مکتوب کیریتیلگن و بو مکتوبده کیلیشیچه، نمایندهلر قانون اساسیده، وزیرلرنی استیضاح قیلهدی و جمهور رییس ایسه ایشدن آلینگن وزیرلرنینگ جاییده باشقه کیشیلرنی تانیشتیرهدی.
شونینگدیک، بو مکتوبلرده، جمهور رییسدن نمایندهلر کینگشینینگ قراریگه حرمت قایل بولیشی سورهلگن.
نمایندهلر کینگشینینگ ایتیشیچه، حاضرگی شرایطده اولرنینگ حکومت بیلن روپهره بولیشی مملکت منفعتیگه ایمس دیر.
نمایندهلر کینگشی تامانیدن جمهور رییسگه یوباریلگن مکتوبلرده اورغولنیشیچه، ایشدن آلینگن وزیرلر تامانیدن هر قندهی شرطنامهگه قول قوییلیشی قانونگه قرشی بولیب و بو وزیرلر عدلی و قضایی ادارهلرگه تانیشتیریلهدی.
