.JPG)
تشقی ایشلر وزیرلیگی نینگ رسمیلریگه کوره، ایرته (سهشنبه) تینچلیک تورت تامانلمه اولتیریش نینگ تورتینچی دوری، طالبان گروهی بیلن یوزمهیوز سوزلهشیش پیتی انیقلنهدی.
تشقی ایشلر وزیرلیگی سوزلاوچیسی نینگ اورین باسری خیرالله آزادنینگ سلاموطندارگه ایتشیچه، ایرتهگی بولیب اوتهدیگن اولتیریشده، افغانستانده تینچلیک کیلتیریش خریطهسی قنقه عملگه آشیریلیشی بارهسیده هم بحث بولیشی ممکن.
ایکی هفته آلدین افغانستانده تینچلیک اورنتهدیگن تورت تامانلمه اویغونلیک گروهی، تینچلیک خریطهسی و عملده تینچلیک کیلتیریش یوللرینی انیقلشگه توافق قیلگنلر.
جناب آزاد تورت تامانلمه اولتیریشنی خوش قرشیلب ایتیشیچه، مملکت بویلب بونقه اولتیریشلر تینچلیک کیلتیریشگه سبب بولیشی ممکن.
.jpg)
جناب آزادنینگ کوپهیتیریشیچه، ایرتهده بولیب اوتهدیگن طالبلر بیلن تینچلیک سوزلهشیشلریدن مذکور گروه یوز اوگیرگن صورتده، حکومت هم بو بارهده لایحهلرینی اوزگرتیریشی ممکن.
اونینگ تأکید قیلیب ایتیشیچه، مملکتده تینچلیک کیلتیریش یوللری، خریطه یوزهسیدن طالبلر بیلن تینچلیک بارهسیده سوزلهشیلهدی و اوشبو اولتیریشده، یشاوچیلر منفعتی و اوتگن ییللرده قولگه کیلگن یوتوقلر هم نظرده توتیلهدی.
ایش بیلرمانلرهم بونقه اولتیریشلرنی خوش قرشیلیب، طالبلر بیلن سوزلهشیشگه کوپلب زمان کیرهک بولیشینی اورغولیدیلر. اولرگه کوره، مذکور سوزلهشیشده طالبلرنینگ برچه گروهلری قتنشگن صورتده، بو اولتیریش ایجابی نتیجه بیریشی ممکن.
سیاسی تحلیلچی نجیب منلی نینگ بو بارهده سلاموطندار بیلن قیلگن صحبتده ایتیشیچه، طالبلر بیلن یوزمهیوز سوزلهشیش اوچون کوپراق وقت لازم.
جناب منلی نینگ بیلدیریشیچه، بونقه اولتیریشلر ایزیدن پاکستان خاص هدفلرینی قیدیرهدی و منطقهده اوروش یکونلهشینی مذکور مملکت ایستهگی بولگن.
افغانستان، پاکستان، امیریکه و چین مملکتلری نینگ افغانستانده تینچلیک کیلتیریش اوچون بولگن تورت تامانلمه اولتیریشلری شو پیتده کابلده بولیب اوتماقده دیرکه طالبلر ایکی کته گروهگه اجرهلیب، بیری ملااخترمحمد منصور و ایکینچیسی ایسه ملامحمد رسول رهبرلیگیده باشقریلهدی.
