نماینده‌لر کینگشی‌نینگ اقتصادی کمیسیونی، بوگون افغانی پول برابریده دالر بهاسی کوتریلگنی توغریسیده‌گی گزارشی‌نی نماینده‌لر کینگشی‌نینگ عمومی ییغینی گه ارایه قیلدی. اوشبو گزارش‌ده کیلیشیچه، باشقه مسئله‌لرگه قوشیمچه، دالر بهاسی کوتریلیشی‌گه دالر تورت خاص شرکت گه ساتیلیشی سبب بولگن.
نماینده‌لر کینگشی‌نینگ اقتصادی کمیسیونی‌نی اورین باسری منورشاه بهادری، شرکت‌لردن آت توتمه‌یدی، بیراق ایشانچی گه کوره، مذکور تورت شرکت بیر کیشی گه تیگیشلی بوله‌دی و شونینگدیک، بو کیشی مرکزی بانک بیلن کیلیشگن.
جناب بهادری گزارش‌نی ارایه قیله‌دیگن چاغیده، مرکزی بانک نینگ پولی سیاست‌لری چیت‌ایللیک پوللر برابریده ناکام‌لیگی توغریسیده نیچه مرته تأکید قیلدی. شونینگدیک، او مرکزی بانک باشلیغی خلیل صدیق نینگ زوره‌وار و اوز باشیمچه بیر کیشی دیب ایتیشیچه، مرکزی بانک باشلیغی کمیسیون‌نینگ ییغین‌لریده اشتراک قیلمه‌گن و بدلی‌ده نماینده‌لر کینگشی‌نینگ برابریده قانیقرلی بولمه‌گن نرسه‌لرنی بیان قیلگن.
گزارش اداغیده نماینده‌لر کینگشی‌نینگ اقتصادی کمیسیونی اورین باسری‌نینگ ایتیشیچه، مرکزی بانک مملکت بانک‌لری بیلن ایکی تامانلمه حرکت قیله‌دی و شونینگدیک، پول بهاسی برابریده تدقیقات سیز قرار قیله‌دی؛ بو ایش ایسه ملی خیانت سنله‌دی.
عین حالده، مرکزی بانک سوزلاوچیسی ایمل هاشورنینگ ایتیشیچه، قانون اساسیده، مرکزی بانک نینگ نرخ بازاری گه دخالت قیلیش گه حقی یوق دیر؛ بیراق چیت‌ایللیک پوللرنی برابریده افغانی پول بهاسی‌نی سقلش اوچون، تنیق بیر لایحه اساسیده، بازارگه دالر ترقته‌دی.
شونینگدیک، نماینده‌لر کینگشی‌نینگ اقتصادی کمیسیون اورین باسری‌نی بیانات‌لریگه جواب جناب هاشورنینگ ایتیشیچه، مرکزی بانک باشلیغی هردایم نماینده‌لر کینگشی گه جواب بیرگن و هیچ قچان قانون گه قرشی حرکت قیلمه‌گن.
سونگی کونلرده، دالر بهاسی تکرارسیز شکلده یوقاری کیتگن و بها کوتریلیشی ییگولیک آذیق اوقت و مسکن اوستیگه جدی تأثیر تشله‌گن و شو موضوع یشاوچیلرنینگ شکایتی گه سبب بولگن.
