افغان‌فلم باشلیغی صحرا کریمی تامانیدن اوتگن کون قیلینگن توییتده، نماینده‌لر کینگشی نینگ کمیسیونلریدن بیری نی باشلیغی‌نینگ ایتیشیچه، افغان‌فلم اوچون بودجه قولگه کیریتماقچی بولگن صورتده، اونینگ بیلن ایری علاقه قوریشی کیره‌ک.
اجتماعی ترماقلرنی ایشلاوچیلری، اوشبو توییتری پیام نی قولمه قول قیلیشه‌دی، بیراق بو پیام صحرا کریمی نینگ رسمی صحیفه‌سیده کورینمه‌یدی.
بیراق، سلام‌وطندارگه صحبت بیرگن نماینده‌لر کینگشی نینگ عدلی و قضایی کمیسیونی باشلیغی سیدمحمد حسن شریفی بلخابی نینگ ایتیشیچه، بیر شکایت‌نامه تیارلگن و عدلی و قضایی اداره‌لردن افغان‌فلم باشلیغی نینگ عیب‌لاولری تیکشیریلیشی‌نی سوره‌یدی.
جناب بلخابی گه کوره، افغان‌فلم و ملی رادیو و تلویزیون نینگ دولتی ییری بریتانیاگه ساتیلگنی خصوصیده، صحرا کریمی نینگ یانیده شهر قوریش وزیرلیگی نینگ اورین باسری، قطار معین‌لر و ملی رادیو و تلویزیون باشلیغی نماینده‌لر کینگشی نینگ عدلی و قضایی کمیسیونی نی یکشنبه کونگی ییغینیده چقیریلگن ایکن و خانم کریمی ییغین باشله‌نیشیده غوغا چیقاریب و مذکور کمیسیون اعضالری گه اهانت قیلگن.
عدلی و قضایی کمیسیون باشلیغی نینگ ایتیشیچه، خانم صحرا کریمی استجوابیه ییغینیده بودجه نی بحث گه آلیب و ایتیشیچه، اولر بودجه یوقلیگی باعث، دولتی ییرنی ساته‌دیلر.
جناب بلخابی نینگ کوپه‌یتیریشیچه، کمیسیون افغان‌فلم باشلیغی گه یاردم بیریشنی بیلدیریب و ایتیشیچه، ملی رادیو تلویزیون و افغان‌فلم افغانستان نینگ ملی سرمایه‌لریدن دیر و نماینده‌لر کینگشی بو اداره‌لرنینگ بودجه‌سینی تیارلش اوچون حکومت بیلن بحث قیله‌دی.
بلخابی نینگ ایتیشیچه، خانم صحرا کریمی نماینده‌لر کینگشی اینیقسه عدلی و قضایی کمیسیون اعضالرینی عیب‌لب و اهانت قیلگن؛ بو موضوع ایسه اولرگه جبران قیلینمس و آغیر بولگنی اوچون تیکشیریلیشی کیره‌ک.
اوشبو موضوع توغریسیده افغان‌فلم باشلیغی نینگ فکرینی اورگه‌نیش اوچون علاقه قوردیک، بیراق او، بو موضوع حل ایتیلگن و عدلی و قضایی کمیسیونی عذر سوره‌دی دیب سلام‌وطندارگه صحبت بیرمه‌گن.
عین حالده، مالیه وزیرلیگی، وزیرلیک‌لر و ایرکین اداره‌لرنینگ بودجهلری شریک قیلینیشی‌نی وقت‌دن آلدین دیب بیله‌دی. سلام‌وطندارگه صحبت بیرگن مالیه وزیرلیگی سوزلاوچیسی اورین باسری عبادالله درمان نینگ ایتیشیچه، افغان‌فلم بودجه‌سی آز بولگن صورتده، مدنیت و معلومات وزیرلیگی آرقه‌لی بودجهلری کوپه‌یتیریلیشی‌نی سوره آله‌دی.
جناب درمان گه کوره، وزیرلیک‌لر و ایرکین اداره‌لرنینگ بودجه سهمی‌نی شریک قیلیش وقت‌دن آلدین دیر و ملی کینگش تامانیدن تقصدیقلنگنیدن سونگ، شریک قیلینه‌دی.
افغانستان تأریخی‌ده بو بیرینچی مرته کیم بیر عیال افغان‌فلم باشلیغی تعیین ایتیلگن. صحرا کریمی بو مقام ده تعیین ایتیلیشی کوپینچه عکس‌العمل‌لرگه سبب بولدی و یشاوچیلرنینگ ایشانچی گه کوره، حاضر افغانستان سینماسی باشقچه توس آلیش زمانی کیلگن.
شو توغریده…
