پروان نماینده‌سی میررحمان رحمانی نماینده‌لر کینگشی نینگ باشلیغی صفتیده تعیین ایتیلگنیدن سونگ، نماینده‌لر کینگشی نینگ اعضالری آره‌سیده جنجل کوتریلدی.
میررحمان رحمانی نینگ مغلوب ایتیلگن رقیبی کمال‌ناصر اصولی نینگ طرفدارلری، نماینده‌لر کینگشی فضاسینی جنجل گه تارتیب و جناب رحمانی نینگ ریاست چوکی‌سیده اولتیرگنی قویمه‌گن.
ساعت‌لرچه جنجل بولگنیدن سونگ، بو جنجل گه نقطه قوییلیشی اوچون ایکی تامان نماینده‌لیگی‌دن 10 کیشی‌لیک بیر هیأت تعیین ایتیلیشی گه قرار قیلینگن.
نماینده‌لر کینگشی اعضاسی ساهره شریف نینگ ایتیشیچه، بوگونکی ییغینده 10 کیشی‌لیک هیأت ایجاد ایتیلیشی خصوصیده کیلیشیلگن.
خانم شریف گه کوره، بو هیأت نماینده‌لرنینگ حاضریسی و صندوققه تشلنگن آوازلرنی تیکشیریش گه مسؤول دیر.
شونینگدیک نماینده‌لر کینگشی نینگ باشقه بیر اعضاسی خالد مومند، 10 کیشی‌لیک کمیسیون‌ده 3 کیشی میررحمان رحمانی نینگ طرفدارلریدن، 3 کیشی کمال‌ناصر اصولی نینگ طرفدارلریدن و کینگش اعضالریدن 4 کیشی نینگ موجودلیگی نی تصدیقله‌گن.
جناب مومند گه کوره، ایکی تامان 10 کیشی‌لیک کمیسیون نینگ قرارینی تن آلیش گه سوز بیرگنلر.
نماینده‌لر کینگشی نینگ ایچکی اصولی اساسیده، بیرار کیشی سیلاولرنینگ ایکینچی دوریده 50 جمع 1 آواز نی قولگه کیلتیره‌آلمه‌گن صورتده، کینگش نینگ ریاستی چوکی‌سی باشقه کیشی‌لرگه تاپشیریله‌دی.
