نماینده‌لر کینگشی اعضالریدن بیرقطاری، امنیتی اداره‌لردن جمهورلیک ریاستی گه امنیتی گزارشلرنی توغری شکلده بیریشلرینی طلب قیلگن.
اولرنینگ ایتیشیچه، بو اداره‌لر امنیتی گزارشلرنی جمهور رئیس گه عکسینچه بیره‌دی.
بوگون «دوشنبه، 30- سرطان» نماینده‌لر کینگشی نینگ عمومی ییغینیده نماینده‌لردن بیرقطاری، امنیتی اداره‌لرنی ایش‌سیزلیک‌که عیب‌لب ایتیش‌لریچه، بو اداره‌لر امنیتی گزارشلرنی توغری شکلده جمهورلیک ریاستی گه ارایه قیلمه‌یدی.
نماینده‌لر کینگشی اعضاسی یارباز حمیدی نینگ ایتیشیچه، امنیتی وضعیت یامانلیگی اهالینی کوپینچه قیین‌چیلیک‌لرگه روپه‌ره قیلگن.
نماینده‌لر کینگشی اعضالریدن باشقه بیری ضیاالدین اکازی نینگ ایتیشیچه، هر کون مملکت بویلب اونلرچه کیشی هلاک و یره‌لنه‌دی، لیکن امنیتی اداره‌لر گزارشلریده جمهورلیک ریاستی گه امنیتی وضعیت یخشیلیگی دن صحبت قیلیشه‌دی.
شونینگدیک، نماینده‌لر کینگشی باشلیغی میررحمان رحمانی نینگ ایتیشیچه، امنیتی اداره‌لر ناتینچ ولایت‌لرده بولگن جاری وضعیت نی جمهور رئیس عکسینچه ییتکیزه‌دی.
اونینگ ایتیشیچه، ولایت‌لردن بیرقطاری ده امنیتی تهدید جوده هم یوقاری دیر، لیکن جمهور رئیس گه امنیتی اداره‌لر تامانیدن بیریله‌دیگن گزارشلرده امنیتی وضعیت یخشی دییله‌دی.
بیراق، مدافعه وزیرلیگی سوزلاوچیسی روح‌الله احمدزی نینگ سلام‌وطندارگه ایتیشیچه، امنیتی اداره‌لر ایش لایحه‌سی اساسیده، جمهور رئیس گه گزارش بیره‌دیلر.
عین حالده، افغانستان تینچلیک اویی هم مملکت ده سونگی ناتینچلیک‌لردن خواطر بیلدیریب ایتیشیچه، مملکت ده امنیتی تهدید یوقاری بولگنی افغانلر ارا سوزلشوولر آرتده قالیشی گه سبب بولگن و ناتینچلیک‌لر کینگه‌یگنی یشاوچیلرنی جدی قیین‌چیلیک‌که روپه‌ره قیلگن.
