اوتگن کون کابل‌ده صادر ایتیلگن هجومنی قاره‌له‌گن ملی مجلس‌نینگ اعضالری سیاستچی‌لر همده مملکت رهبرلیردن ایچکی قرمه قرشی‌لیک‌لرینی چیت‌گه قوییب ملی کوچلرنی حمایت قیلیش‌لرینی سوره‌گنلر.
اوتگن کون (31 حمل) ملی امنیت اداره‌سی نینگ اونینچی ریاستی بیکیتی‌ده خودکش هجوم صادر ایتیلگن ایدی.
واقعه‌ده 64 انسان قربان بولیب، 347 کیشی آغیر و یینگیل جراحت آلگن لیگی ایتیله‌دی. قربانلرنینگ کوپچیلیگی تینچ اهالی ایکن لیگی تخمین ایتیلگن.
نماینده‌لر مجلسی‌نینگ اعضالریدن بیری صالح محمد صالح‌نینگ سوزلریگه قره‌گنده، بوندن بویان ایچکی فتنه‌لرنی چیت‌گه قوییب عملده‌گی تیزیم تونتریلمس‌لیگی اوچون حربی کوچلرینی حمایت قیلیش ضررو. جناب صالح، افغانستان دشمن‌لری اوزنیتی‌گه ایریشیشی اوچون رخصت بیریلمس‌لیک درکار دیگن.
.jpg)
ملی بیرلیک حکومتی رهبرلرینی تنقید قیلگن ملی مجلس‌نینگ بیر قنچه اعضالری حکومت ایچکی موضوعلرنی دن اوتیب، دشمن‌نی نابود قیلیش فکریده بولیشی اوستی‌ده اورغوله‌گنلر.
ملی مجلس‌نینگ عمومی ییغین‌ده سوزلگه‌گن انجنیر ذکریا قورال‌لی طالب‌لرنینگ اصلی مرکزلری هنوزگچه نابود ایتیلمه‌گن لیگی اوچون امریکه قوشمه ایالت‌لرینی عیب‌له‌گن.
شونینگ‌دیک جناب ذکریا، قورال‌لی طالب‌لرنینگ سیاسی مخالف‌لر همده ایناغه صفتیده تیل‌گه آلگن لر اویت قیلسین لردیگن. جناب ذکریا، قاره‌نی قاره آق نی آق دیمه‌گنلرنی خاین دیگن.
اوتگن کون کابل‌ده صادر ایتیلگن حادثه بوگون افغانستانلیک‌لر همده ملی اداره‌لر تامانیدن افغان ملی کوچلری جمایت ایتلیشی‌گه سبب بولدی.
شونینگ‌دیک اوتگن کون فاجعه‌ده تن جراحتی آلگن‌لرگه قان بیریش اوچون مملکت‌نینگ بیرقنچه ولایت‌لری جمله‌دن جوزجان و پروان ده قان بیریش کمپاینی اوتکزیلدی.
