بوگونکی مجلس عمومی اولتیریشی‌ده کینگش اعضالریدن کوپی‌سی اولکه امنیتی وضعیتی‌دن خواطرکورسه تیب ایتیشلریچه، امیریکه بیلن باغلنگن امنیتی کیلیشیک افغانستان نفع‌گه ایمس ایکن و هیچ نتیجه بیرمه‌گن.
بونماینده‌لر ینه بیر عمومی اولتیریشده امیریکه بیلن باغلنیلگن امنیتی پیمان اوچون کوپراق بحث بولیب مذکور پیمان‌نی لغو ایتیلیشی‌نی ایسته‌دیلر.
مذکور اولتیریشده کینگش باشلیغی عبدالرؤوف ابراهیمی، جمهور رییس‌نی یلغانچی‌لیک‌گه متهم قیله‌دی و موندن آلدین جمهور رییس 70 دن 80 فایز وقتی‌نی امنیتی مساله‌لر اوچون اوتکزیشی‌نی ایتگن ایدی، اما اونینگ سوزلری یلغاندن باشقه نرسه ایمس ایکن.
جناب ابراهیمی ایتیشیچه، شوحاضر افغانستان شمالی وزیرستان‌گه اوزگرگن و اگر حکومت شونقه توجه سیزلیک بیلن یول بارسه، دولت قورالی مخالف‌لری تامانیدن تیزلیک‌ده شمال شاه یول‌لری کومیلیشی ممکن.
مذکور اولتیریشده فراه نماینده‌لری‌دن بیری سرور عثمان فراهی، حکومت امیریکه بیلن امنیتی کیلیشیک‌نی لغو ایتگنی‌دن کیین برچه پروژه‌لر و یوکسه‌تیش برنامه‌لرنی تاخته‌تیب قورالی و نظامی جهازلر آلیب دولت خلق یاردمی بیلن قورالی‌لرگه قرشی توریشی‌نی تیلگه آلدی.
مجلس باشلیغی‌نینگ ایتیشیچه، کینگش منشی‌لریگه، دولت‌گه رسمی نامه یوباریب اولردن امیریکه و افغانستان ارا بیرگه لیک امنیتی کمیسیون ایجاد بولگن می، یوق؟ سوره‌لیش بویروغینی بیرگن.
اولکه‌ده ناتینچ‌لیک‌لر کوپه‌یب باریشی بیلن، نماینده‌لر اعتراضی افغانستان‌ده‌گی امیریکه‌لیک کوچلرگه قرشی کوپه‌یب بارماقتده. نماینده‌لردن کوپی‌سی ننگرهار قانلی حادثه سیدن کیین امنیتی کیلیشیک سوراق‌گه قالگن و مذکور کیلیشیک اولکه‌ده ناتینچ‌لیک‌لر آلدینی تشقی اولکه کوچلر آلیشی اوچون بولگن ایدی دیدیلر.
نماینده‌لرگه کوره، امیریکه کوچلری اولکه ناتینچ‌لیک‌لری آلدینی آلیش‌گه کوچلری ایتمه‌گن صورت‌ده مذکور کیلیشیک افغانستان اوچون فایده‌لی ایمس.
