.jpg)
نفتی ماده‌لر و سوویق گاز تصدی اداره‌سی نینگ مسووللری، اوشبو تصدی اداره نینگ مصرفی اوتگن ییلگه نسبتن 65 میلیون افغانی کمیگن دیدیلر، لیکن درآمد ایسه 3 برابرگه آشگن.
رسمیلرنینگ سوزلریگه کوره، نفتی ماده و سویق گاز تصدی اداره‌سی بوندن آلدین بایگانی سیستمی بولمه‌ی هر ایکّی آیده 4 میلیون درآمدی بولگن؛ اما اوشبو سیستم توزه‌تیلگن‌دن سونگ مذکور تصدی اداره نینگ آیلیک درآمدی 11.7 میلیون افغانی‌گه کوپیگن.
بوگون کابل‌ده خبری بیر ییغین‌ده اشتراک قیلگن سوویق گاز و نفتی ماده‌لر تصدی اداره‌سی نینگ باشلیغی ولید تمیم، قویاش 1395- ییل مالی قیین چیلیگی‌گه قره‌مه‌ی، مذکور اداره اوتگن ییللرگه قره‌گنده سیزیلرلی درجه‌ده یوتوققه ایریشگن دیدی. جناب تمیم گه کوره، نفتی ماده‌لرنی چیت ایلدن کیلتیریش میزانی 30 میلیون تُن گه آشگن. نفتی ماده نینگ 35% ایسه ایران دولتی‌دن آلیب کیلینه‌دی دیگن جناب تمیم.
نفتی ماده‌لر و سوویق گاز تصدی اداره‌سی نینگ باشلیغی، نفتی ماده‌لرنی کیلتیریش جریانی یخشی نظارت بولیشی و بو اداره‌گه اصلاحات کیریتیلیشی نفتی ماده‌لر تصدی اداره‌سی نینگ درآمدی آشیشی اوچون اساسی عامل بولگن دیدی.
