.JPG)
بدخشان ولایت کینگشی اعضالری و بهارک تومنی یشاوچیلریدن بیرقطاری، مذکور ولایت تومن‌لری‌نینگ جمعیتی‌دن سیلاولر ایرکین کمیسیونی تامانیدن ینگی‌لیک‌ده اعلان ایتیلگن رقم توغریسیده اعتراض بیلدیریب و ولایت دروازه‌سینی آرقه‌سیده توپلنگن‌لر.
اولر، حکومت‌دن تومن‌لرنینگ جمعیتی‌دن آلگن رقم توغریسیده قیته تیکلب و ناتوغری رقم بیریش‌دن وازکیچیشی‌نی سوره‌گن.
اعتراضچی‌لردن ایکی کیشی تواب و عبدالله نینگ سلام‌وطندارگه ایتیشیچه، سیلاولر ایرکین کمیسیونی تامانیدن بیریلگن رقم اساسیده، بهارک تومنی‌نینگ جمعیتی 33 مینگ دییلگن؛ لیکن بو تومن‌نینگ حقیقی جمعیتی 180 مینگ گه ییتیشه‌دی.
اولرنینگ آگاه‌لنتیریشیچه، مذکور تومن‌نینگ جمعیتی توغریسیده بیریلگن رقم گه قیته تیکلنمه‌گن صورتده، آواز بیرووچیلرنینگ رویخط‌گه آلیش مرکزلر یاپیله‌دی.
شونینگدیک، بدخشان ولایت کینگشی اعضاسی عبدالله ناجی نظری نینگ ایتیشیچه، بدخشان جمعیتی دن بیریلگن رقم نی اولر قبول قیلمه‌یدی.
.JPG)
نظری گه کوره، بو رقم کیله‌جک سیلاوده ساخته کارلیک قیلیش و باشقه سیاسی امتیازلردن بدخشان نی آرقه گه اوریش اوچون ارایه ایتیلگن.
اونینگ کوپه‌یتیریشیچه، بیریلگن رقم اساسیده، بدخشان یشاوچیلریدن 40% سیلاولر ایرکین کمیسیونی نینگ رویخطی دن چیقاریلگن.
بیراق، بدخشانده سیلاولر ایرکین کمیسیونی‌نینگ ولایتی دفتری باشلیغی حمیدالله بلوچ نینگ ایتیشیچه، جمعیت‌نی اثباتلش بو کمیسیون گه تیگیشلی ایمس و اولر بدخشان ولایتی‌نینگ جمعیتی توغریسیده بولگن رقم‌نی محلی ارگانلر ایرکین اداره‌سی و مرکزی حسابات ریاستی‌دن قولگه کیریتگن.
ایتیلیشیچه، تومن‌لر کینگشی‌نینگ چوکی‌لری هر بیر تومن‌نینگ جمعیتی اساسیده تعیین ایتیله‌دی و تومن‌لر کینگشی‌نینگ نامزدلری رویخط‌گه آلینیشی توغریسیده، جمعیت‌دن قویی رقم ارایه ایتیش، مذکور کینگش‌‌ده بدخشان اهالیسی‌نینگ سهمیه‌سی آز بولگنی اوچون عکس‌العمل‌لرگه سبب بولگن.
