غور ولایتینینگ مرکزی فیروزکوه شهریده سرحد محلی رادیوسی کیچه تاماندن ناتانیش کیشیلرنینگ هجومی گه دوچ کیلگنیدن بیر آیدن کوپراق اوتماقده و بو رادیونینگ خبر اتاقی شامل برچه نشراتی اسکونهسی نفت آرقهلی اوتگه یاندیریلگن ایدی.
سلاموطندارگه صحبت بیرگن سرحد محلی رادیو نشرات مدیری احمدشاه موحدنینگ ایتیشیچه، اوشبو رادیو اوتگه یاندیریلگنیدن سونگ قیتهدن فعالیتگه باشلش اوچون کوپلب سعی و حرکت قیلگن؛ بیراق بودجه یوقلیگی و ملی و خلق ارا ادارهلرنینگ دقتسیزلیگی باعث، بو ایشگه مؤفق بولمهگن.
جناب موحد، سرحد رادیوسی گه اویوشتیریلگن هجوم عامللری تانیلیب و قولگه آلینیشی خصوصیده امنیتی ادارهلرنینگ دقتسیزلیگی دن تنقید قیلیب ایتیشیچه، بو واقعه پولیس تامانیدن تیکشیریلمهگن.
شونینگدیک، سرحد رادیوسی اوستیگه اویوشتیریلگن هجوم تیکشیریلمهگنیدن خواطر بیلدیرگن غور ولایتیده خبرچیلرنی سقلش کمیته مسؤولی غلامربانی هدفمندنینگ ایتیشیچه، اوشبو محلی رادیو قیتهدن فعالیتگه باشلَمهگن صورتده، غور میدیالرینینگ ایشلاوچیلریدن کوپینچهسی ایشدن قول تارتهدی و یا-ده ایرکین شکلده سوزله آلمهیدیلر.
بیراق، غور حاکمی سوزلاوچیسی عبدالحی خطیبینینگ ایتیشیچه، سرحد رادیوسی گه اویوشتیریلگن هجوم عامللری قولگه آلینیشی اوچون امنیتی کوچلرگه بویروغ بیریلگن.
سرحد محلی رادیوسی آزمه-کوپ تورت ییلدن بویان غور ولایتینینگ مرکزی فیروزکوه شهریده مدنی، اجتماعی، سیاسی، دینی و سپورت بولیملریده فعالیت قیلر ایکن.
