افغانستان محنتچی‌لر بیرلشمه‌سی‌نینگ مسوول‌لری کوره، افغانی پول مقابلیده دالر ، یاقیلیغی ماده‌لر و ییگولیک آذیق آوقت نرخی کوتیلمه‌گن درجه‌ده کوتاریلگن؛ اما ملازملر آیلیگی همان ثابت حالت‌ده قالگن.
افغانی پول مقابلیده دالر نرخی‌نینگ یوقاری کیتیشی، یاقیلغی ماده‌لر، ییگولیک آذیق آوقت حتی برق بهاسی کوتاریلیشی‌گه تاثیر قیلگن. مذکور بیرلشمه مسوول‌لری‌نینگ آگاهلنتیریشیچه، وضعیت شونده‌ی دوام ایتگن حالده، دالر بهاسی همده آذیق آوقت‌لرنی بوندن هم کوره کوپراق یوقاری کیتیشی ممکن.
بوگون کابلده بیر خبری ییغین اوتکزگن افغانستان ایشلاووچی‌لر بیرلشمه‌سی‌نینگ رییسی معروف قادری حکومتدن نرخ ثابت سقله‌نیشی و بازارنی کنترول قیلیش‌نی سوره‌گن.
اما، افغانستان مرکزی بانک‌گه کوره، دالر نرخی یالغوز افغانی پول مقابلیده ایمس، بل باشقه دولت‌لرده هم دالر بهاسی کوتاریلگن. شونینگ‌دیک ایریم رواجلنگن دولت‌لر جمله‌دن روسیه، استرلیا و ترکیه ده دالر نرخی کوتاریلگن.
مرکزی بانک رییسی خلیل صدیق افغانی پول مقابلیده دالر بهاسی کوتاریلیشی خلق ارا کوچلری مملکت‌نی ترک قیلیشی، مملکتده‌گی جاری اوروش، ایش‌سیزلیک و ناخالص ایشلب چیقاریش محصولات میزانی کم بولگن باعث دییلگن.
ایشی‌چیلر بیرلشمه‌سی رییسی‌گه کوره، مذکور اداره تامانیدن ایشلب چیقاریله‌دیگن طرح حکومت رهبرلری تامانیدن عملی ایتیلگن حالده ایش‌سیزلیک میزانی کمه‌ییب اهالی اقتصادی یخشی له‌نیشی ممکن.
قطار اروپایی مملکت جمله‌دن آلمان سونگی وقت‌لرده افغانستانلیک مهاجرلرنی چیقاریب مملکت‌لریگه جونه‌تیشنی اعلان قیلدی. اما، مملکت ایشچی‌لر انجمنی نینگ مسوول‌لریگه کوره، مذکور دولت‌لر افغانستانلیک قاچقین‌لرنی چیقارگن حالده، مملکت بویلب ایش‌سیزلیک میزانی بوندن آرتیق کوپه‌یشی ممکن.
مذکور بیرلشمه مسوول‌لری، حکومت بو وضعیت آلدی آلینیشی اوچون سعی و حرکت قیلمه‌گن حالده، تشقی مملکت‌لردن کیله‌دیگن فقرا مجبوریت یوزه‌سیدن دولت قوراللی مخالف‌لری صفی‌گه قوشیلیشی احتمالدن خالی ایمس دیگن‌لر.
افغانستان وارد قیلووچی بیر مملکت و افغانی پول دالر مقابلیده اوز بهاسینی قولدن بیریشی عاقبتیده اهالی جدی مالی زیان کوره‌دی، چونکه تَور لر خارج دولت‌لردن ساتیب آلیب کیلینه‌دی.
