فاریاب ولایتی پشتونکوت تومنینینگ کاریزللمی منطقهسیده 65 یاشلی بیر آنهخان 27 یاشر یاش قیزی بیلن تونینگ یریمده نا تانیش قوراللی شخصلر تامانیدن آتیب اولدیریلدی.
فاریاب ولایتی پشتونکوت تومنینینگ ولسوالی عبدالقدیر قادری، اوشبو خبرنی تصدیقلب، مذکور ایکّی عیال شنبهدن یکشنبگه اوتر کیچهسی تونینگ یریمیده آتیب اولدیریلگن دیگن. جناب قادری، بو توغریده دستلبکی تیرگاو باشلنگن لیگینی بیلدیرگن. اونگه کوره، واقعهنینگ عامللری تیزلیکده قولگه آلینهدی.
بو خانهداننینگ کتّه فرزندی بولمیش قدرتالله، کیچه ساعت 12ده قوراللنگن نیچه کیشی اویلریگه باستیریب کیریب، آنهسی و سینگلیسینی آتیب اولدیرگنلیکلرینی تیلگه آلگن.
قدرتالله هیچ کیم بیلن شخصی دشمنلیکلری بولمهگن لیگینی ایتهدی. او، عدلی و قضایی ادارهلردن حادثه عامللری قولگه آلینیب محاکمه ایتیلیشینی طلب قیلگن.
فاریاب ولایتی ناحربی شفاخانه عدلی طبیات اداره مسوولی داکتور سمیر عنایتنینگ سلام وطندارگه، ایرتلب تانگ وقتی ساعت 7 ده ایکّی جسد ساغلیقنی سقلش ادارهسیگه آلیب کیلینگن لیگینی بیلدیرگن.
عنایت، قوراللنگن شخصلر تامانیدن اوزیلگن اوقلر آنهخان بیلن قیزنینگ باشیگه تیگگنلیگی کوزه تیلگن لیگینی بیلدیرگن.
انسان حق و حقولرینینگ فاریابدهگی ساحهوی ادارهسی رسمیلری، واقعهنی قارهلب، امنیتی رسمیلردن واقعه جدی شکلده تیکشیریلیشینی سوره گنلر.
مذکور کمیسیوننینگ باشلیغی سیدحفیظ فطرت، ولایتده ناموسی قتللر میزانی آشگنلیگی توغریسیده تشویش بیلدریب ایتیشیچه، قویاش جاری ییل باشلهنیشی بیلن هنوزگه 16 مورد ناموسی قتل بو اداره تامانیدن رویخطگه آلینگن.
بونگه قرهمی، هنوزهم بو قبیل کوپینچه حادثهلر اجتماعی اویَت سبب عایلهلرده سیر سقلنهدی دیگن.
