جمهورلیک ریاست سیلاوی نینگ نامزدلریدن بیری رحمتالله نبیل، سلاموطندار بیلن اوتکزگن خاص صحبتیده ایتیشیچه، پکتیا، ننگرهار، قندهار و هلمند ولایتلری نینگ والیلری سیلاو کونیده اشرف غنی نینگ رهبرلیگیده بولگن دولت قورووچی تیمی نینگ نفعی گه تقلب قیلیشگن.
جناب نبیل گه کوره، تقلب منظم شکلده بولگن و شونینگدیک، بیرقطار کیشیلر تقلب نیتی گه ولایتلردن کابل گه چقیریلگن.
عین دمده، سلاموطندارگه صحبت بیرگن سیلاو شکایتلرینی تینگلش ایرکین کمیسیون اورین باسری دینمحمد عظیمی نینگ ایتیشیچه، شکایتلردن کوپینچهسی ننگرهار، بلخ، خوست، قندهار، کابل و هرات ولایتلریده رویخطگه آلینگن.
جناب عظیمی گه کوره، شکایتلردن کوپینچهسی اشرف غنی رهبرلیگیده بولگن دولت قورووچی تیمی و عبدالله عبدالله رهبرلیگیده بولگن برقرارلیک و یقینلیک تیمی تامانیدن رویخطگه بیریلگن.
جناب عظیمی نینگ ایتیشیچه، سیلاو جنایتلری گه عیبلنگن دولت ایشلاوچیلری نینگ رویخطی اولرگه ییتیشگن، بیراق او، مذکور کیشیلرنینگ آتلرینی فاش قیلیشدن باش تارتهدی.
سیلاو شکایتلرینی تینگلش ایرکین کمیسیونی نینگ اورین باسری گه کوره، حکومت بلند مرتبهلی رسمیلریدن 54 تهسی سیلاو کمپاینلریده اشتراک قیلیشگنی باعث، نقدی جریمه بولیشگن و شونینگدیک، سیلاو جنایتی و بوزمهچیلیک بولگن 970 قضیه خصوصیده، بیرقطار کیشیلر عدلی و قضایی ادارهلریگه تانیشتیریلگن.
شو توغریده…
نبیل: دولت قوروچی تیمی بایومتریک ایتیلمهگن آوازلرگه اعتبار بیریلیشینی ایستهیدی
