ننگرهار ولایتینینگ 7 نفر اهالیسی داعش حرکتی تامانیدن اوققه توتیبلیب اولدیریلگن لیگی آرتیدن ولایتنینگ بیر قنچه مدنی جماعهچیلیک ادارهسی مسووللری، ولایت محلی بلند مرتبهلی رسمیلری ایشدن آلینیب محکمه گه تانیشتیریلیشینی سورهگنلر.
داعش گروهی اوتگن کون (شنبه) ننگرهار ولایتینینگ کوت تومنیده بلاغتگه ییتمهگن تورت گودک، اوچ عیال و بیر ایرککنی اوققه توتیب اولدیرگن ایدی. شونینگدیک بو اوق اوزیش نتیجهسیده باشقه ییتی کیشی تن جراحتی آلگن لیگی بیلدیرگن ایدی.
مدنی جماعهچیلیک فدراسیونینینگ باشلیغی صدیق منصور انصاری بوگون (یکشنبه) کابلده بیر خبری ییغینده، ولایت محلی رسمیلرینی تفاوتسیزلیککه عیبلهگن. او، حکومتدن ولایت محلی رسمیلری ایشدن آلینیب، آچیقلهین محاکمه بولیشیلری اوستیده تاکید ایتگن.
اونینگ سوزلریگه کوره، ولایت والیسی، تومن حاکمی، پولیس قوماندانی و سیلاب 201- قول اروسینینگ قوماندانی ننگرهار ولایتیده امنیتنی تامین قیلیش قابلیتیگه ایگه ایمسلر دیگن.
مدنی جماعهچیلیک فدراسیونینینگ باشلیغی، ننگرهار ولایتی کوت تومنینینگ اهالیسی ولسواللیکده داعش گروهی ییرلشگن لیگی باعث اوز یشش اوی جایلرینی ترک قیلگنلر دیدی.
اونینگ ایتیشیچه، داعش گروهی شینواری تومنیده بیش منقطهگه باستیریب کیریب بو منقهلرنی اوز اشغالیگه آلگن.
اما، ولایت والیسینینگ سوزلاووچیسی سلیم قندوزی، ولایتده داعش گروهیگه آغیر ضربه بیریلگن لیگینی ایتگن. سوزلاووچی جمعه کیچهدن بیری یولگه قوییلگن عملیاتده داعش جنگریلرینینگ 131تهسیده اولدیریلگن لیگینی تیلگه آلگن.
شو کبی سلیم، داعش و امنیتی کوچلر اورتهسیده یوز بیرگن قوراللی توقنشوده 12 عسکر هلاک بولیب و باشقه 18 پولیس ایسه جراحت لنگنی هم اعتراف قیلگن.
