جوزجان ولایتیده فوتبال اویینی گه قیزیققن کر عیاللردن بیرقطاری نینگ ایتیشیچه، ناگرانلیک کوچسیزلیک بولمه‌گنینی اثباتلش اوچون خلق ارا بیلشوولریده اشتراک قیلیش اوچون مشق قیلماقده‌لر.
کر عیاللرگه مربی سمیرا ملکیارنینگ ایتیشیچه، بیر ییل‌دن بویان جوزجان ولایتیده کر عیاللر فوتبال اویینی بیلن شغللنه‌دیلر و رقم‌لری 6 کیشی دن 13 کیشی گه ییتیشگن.
شمال زونی‌ده سویدن کمیته‌سی‌نینگ اجتماعی ناگرانلیک بوییچه ینگی‌لشتیرمه بولیمی‌نی مسؤولی محمدناصر کمال، سپورت میدانلریده فوتبالچی عیاللرنینگ حضورینی خوش قرشی‌لب ایتیشیچه، حاضر جوزجانده کر عیاللردن 13 ته‌سی فوتبال اویینی بیلن شغللنه‌دیلر.
اونینگ کوپه‌یتیریشیچه، اوشبو سپورتچی عیاللر سپورت چکه‌سیده، تحصیل هم قیله‌دیلر و بو برنامه‌دن مقصد کرلرنینگ اجتماعی رابطه‌لرینی یخشی لنتیریش دیر.
جوزجان ولایتی بوییچه فوتبال فدراسیونی نینگ عیاللر کمیته‌سینی مسوولی زولیا صمیمی نینگ عیاللرنی سپورتی بولیم‌لرده قیزیققنی خوش قرشی‌لب ایتیشیچه، هر کون اوتیش بیلن عیاللرنینگ سپورت‌گه علاقه‌سی کوپهیدی.
خانم صمیمی گه کوره، عیاللرگه کوپراق زمینه یره‌تیلگن صورتده، اولر یوتوقلیکلرگه قول تاپه‌دیلر.
جوزجان مملکت شمالیده جای‌لشگن ولایت‌لردن بولیب و کوپینچه اجتماعی قیین‌چیلیک‌لر بولگن بیر حالده هم عیاللرنینگ سپورت‌گه علاقه‌سی کوپ دیر.
