بوگون (چهارشنبه)کابل‌ده یولگه قوییلگن ییریک اعتراض جریانی‌نی جانلی بیره‌دیگن ایکی خصوصی تلویزیون‌نینگ یایینی ملی کوچلر تامانیدن کیسیلدی.
افغانستان عاموی اخبارات واسطه‌لرینی حمایت قیله‌دیگن «نی» اداره‌سینینگ باشلیغی صدیق‌الله توحیدیگه کوره، حکومت‌نینگ بو قیلمیشی معلومات ییتکزیش قانونی و اصول‌لریگه قرشی دیر.
جناب توحیدی:« اهالی اعتراض بیلدیریش حقی‌گه ایگه و اعتراض جریانی‌نی ایسه تلویزیون آرقه‌لی کوریش حق‌لری دیر. اعتراض محلی‌دن جانلی یایین بیره‌دیگن آریانا نیوز تلویزیونی‌نینگ نشراتی کیسیلیشی کوپراق شایعات زمینه‌سینی وجودگه کیلتیردی»
عین حالده، بوگون قطار رسانه‌چیلر همده کونده‌لیک یازووچی‌لر ییغین اوتکزیب افغانستان‌ده عامومی اخبارات واسطه‌لری رولی و تهدیدی اوستیده سوزله‌شیب، مملکت‌ده عاموی اخبارات واسطه‌لری برابریده بولگن معما توغریسیده خواطر بیلدیرگن‌لر.
فعال رسانه‌چیلردن بیری هارون نجفی‌زاده‌گه کوره، افغانستان مدیاسی اوتگن 14 ییلده یخشی فعالیت قیلگن و مملکت‌نینگ مهم مساله‌لری اوچون ایجابی تاثیری بولگن، اما هنوز هم رسانه‌لر تورلی قیین‌چلیک‌لر بیلن روپه ره. جناب نجفی‌زاده، نابرقرارلیک «ایریملری‌نینگ ناتوغری فکری» عاموی اخبارات واسطه‌لریدن ترقه‌تیلگن دیگن ایریم موضوعلر و حقیقت‌لرنی فاش قیلیش مدیا و خبرچی‌لر یولیده بولگن ییریک معما دیر.
شونینگ‌دیک ملی مجلس عیال‌لر ایشلری بوییچه کمیسیون رییسی فوزیه کوفی سونگی نیچه ییلده عاموی اخبارات واسطه‌لری اهالی‌نینگ ییریک حمایت‌چی بولگن‌لیگینی تیل‌گه آلگن. خانم کافی، افغانستان مدیاسی طلسم و ناتوغری سنت‌لرنی سینتدیریب و عیال‌لر آوازینی چیقاردی.
اوتگن اون تورت ییل جریانی‌ده افغانستان‌ده عاموی اخبارات واسطه‌لری کوزگه کورینرلی درجه ده رواجلندی، اما مدیانی صفت لحاظ‌دن رواجلنمه‌گنی و رسانه مقابلی‌ده بولگن تهدیدلر اساسی معمالردن سنلب کیلگن.
