کابل شهری‌نینگ بیر چیکه‌سیده حال و هواسی کیتگن دکان موجود و اونده کهنه اسباب‌لر ساتیش اوچون قوییلگن. اوشبو دکاندارنینگ ایتیشیچه، چاره سیزلیک‌دن بو ایش‌گه قول اورگن؛ چونکه باشقه هیچ بیر ایش‌گه بلد ایمس دیر. اونگه کوره، کهنه ساتیش ایشی باشقه هر بیر ایش دن کوره قولی دیر و هر کیم بو ایشنی قیله آله‌دی و بونگه قوشیمچه، باشله‌نیشیده کوپ سرمایه لازم ایمس.
اوشبو دکانده کورینه‌دیگن برچه نرسه‌لر وقتی‌ده شوق و علاقه و امید بیلن ساتیب آلینگن اوی اسباب‌لری دیر، بیراق حاضر توپراققه باتیب ساتیب آلووچی کوته‌دی.
کهنه ساتیش کابل و باشقه کته شهرلرده سونگی ییل‌لرده یخشی رواجلنگن ایشلردن بیری دیر. یشاوچیلردن بیرقطاری‌نینگ ایتیشیچه، اوتگن بیر دهه‌ده کابل شهریده کهنه ساتیش بازاری سقوط عره‌فه‌سیده ایدی، بیراق ینگی حکومت تشکیل ایتیلیب و ناتینچلیکلر کینگه‌یگنیدن سونگ، اوشبو بازار طالب‌لرنینگ دورانی دیک یخشی بیر شکلده رواجلنگن.
کابل شهری‌نینگ کهنه ساتووچیلریدن بیری سعادت، بیش ییل‌دن شو ایش بیلن شغللنه‌دی. اونینگ ایتیشیچه، ایشی‌دن راضی ایمس دیر. ایشانچی‌گه کوره، کته ساتیش ایشی ناتینچلیک و ایش‌سیزلیک بیلن ایرکین شکلده علاقه‌ده دیر.
سعادت‌نینگ ایتیشیچه، کهنه ساتوچیلرنینگ ایشلری اوتمیش‌لرده عادی صورتده ایلگری کیتریدی، بیراق ناتینچلیکلر کوپیگنی دن سونگ کابل شهریده کهنه ساتووچیلرنینگ ایشلری یخشی لنگن. سعادت که کوره، ایران ایلچی‌لیگی ویزه صادر قیلیش اوچون 300 یورولیگ ضمانت نی اورته‌دن ایلتکنی دن سونگ کوپینچه اهالی اوی‌نینگ لوازملرینی ساتیش اوچون اونینگ دکانی گه مراجعت قیله‌دی.
ایکی دسته اهالی اوی‌نینگ لوازملرینی ساتیش اوچون سعادت‌نینگ دکانیده مراجعت قیله‌دی. بیرنچیسی مالی وضعیتی یمان بولگن عایله‌لر، مجبوریت دن اوی لوازملینی ساتیب اوقات تیارله‌یدی و ایکنچی دسته لوازملرینی ساتیب چیت‌ایلیک مملکت‌لرده کیته‌دیلر.
سعادت‌نینگ ایتیشیچه، «کمیده 10 عایله هرکون اوی‌لوازملری‌نی ساتیش اوچون اونینگ دکانی‌گه مراجعت قیله‌دی. او پول گه جدی نیازلری بولمگن صورتده اوشبو لوازملرنی ساتمیشی‌لرینی توصیه قیله‌دی. چونکه مذکور لوازملرنی قیته‌دن آلیش اوچون کوپ پول لازم»
سعادت که کوره، اورپا مملکت‌لریدن زوردن چیقاریلگن عایله‌لر ساتکن لوازملرنی قیته‌دن آلیش اوچون ایکی برابر پول توله‌یدیلر.
سعادت‌نینگ مشترلریدن بیری ببرک‌نینگ ایتیشیچه، 1376-ییل طالبلر مزارشریف نی نظارت‌لریگه آلگن چاغده، او بوتون اوی لوازملری نی 15 لک، که حاضرده اوشبو پول‌نینگ معادلی 15 مینگ افغانی بوله‌دی ساتیب پاکستان گه مهاجر بولدی. بیراق مهاجرت‌دن قیتیب کیلگن و حاضرده پشیمان کورینه‌دی قیته‌دن مملکت‌دن قاچیب کیتیش نی ایسته‌دی.
سعادت‌نینگ ایتیشیچه، حیات ده قالیش اوچون اوتکن یمان تجربه‌سینی تکرار قیلیب مملکت‌دن کیتیش گه مجبور دیر.
کهنه لوازملرنی آلیب ساته‌دیگن‌لردن باشقه بیری محمدرحیم‌نینگ ایتیشیچه، مملکت ده ناتینچلیکلر سبب اهالی گه کهنه لوازملرنی ساتیب آلیش کوچی یوق، انه‌شوسبب اوشبو لوازملرنی ساته‌دیگن‌لری کوپ و آله‌دیگن‌لری کم دیر.
عباس، اوشبو یاش‌نینگ تورمیش قورگنیدن ایکی ییل اوته‌دی، اونینگ ایتیشیچه، اونینگ بوتون لوازملری ینگی بیراق عایله‌سی بیلن مملکت دن چیقیب کیتیش اوچون ساتیش قراری نی آلگن.
مملکت‌ده ناتینچ‌لیک‌لرکوپیشیدن سونگ، اولکه کوپینچه یشاوچیلری افغانستان‌دن قاچیب کیتیش قراری نی آلگن. اهالی‌نینگ ایشانچی گه کوره، ناتینچلیک بیرتاماندن و ایش سیزلیک باشقه بیرتاماندن حیات‌نینگ اولرگه زور قیلگن. اوشبو امر مملکت کوپینچه یشاوچیلری‌نینگ اوی لوازملری نی ساتیب مملکت دن چیقیب کیتیش‌لریگه سبب بولگن.
