غزنی ولایتی نینگ محلی بلند مرتبهلی رسمیلری، ولایت تورمهسی درست محیطده ایمس لیگی حقیده تشویش بیلدیرگنلر. تورمهدهگیلرنینگ انسانی حق و حقوقی آیاغ آستی ایتیلگن لیگی ایتیلهدی.
غزنی عمومی تورمهسینی یقیندن کوزهتگن ولایت والیسی، قماقاخانهنینگ بناسی ایسکرگن لیگی سبب یشش اوچون مناسب ایمس دیگن. شونینگدیک بیر کیچیک اتاقده 14 کیشیدن 20 نفرگچه سقلنهدی دیگن ولایت والیسی.
تورمهدن ترهله دیگن یامان هید هر بیر کیشی اوچون نفس آلیشنی قیینلشتیرگن. غزنی شهری نینگ بیش کیلو مترلیگیده جایلشگن مذکور تورمه ده کمیده 200 محبوس قماق مددتینی اوته ماقده.
غزنی ولایتی نینگ والیسی عبدالکریم متین، تورمهنینگ بناسی زمانه وی بولمهگن لیگی سبب تورمهدهگی محبوسلرنینگ انسانی کرامتلری آیاغ آستی ایتیلگن لیگی خصوصیده اشاره قیلگن.
غزنی پولیس قوماندانی جنرال امینالله امیرخیل هر بیر محبوس اوچون کونده 70 افغانیگه آزیق آوقت نظرده توتیلگن لیگینی معلوم قیلگن. بو ایسه « سالم بیر انساننینگ قارنینی تویغزیش اوچون» ییترلی ایمس.
شونینگدیک غزنی امنیه قوماندانی ولایت رسمیلریدن، امنیتی تهدیدلر ینه انتظام اورنه تیلیشی اوچون غزنی تورمهسی نینگ مسوولیتی پولیس قوماندانلیگیگه تاپشیریلیشینی تکلیف قیلگن.
عین حالده، تورمهدهگی محبوسلر یشش جای قیینچیلیگیدن علاوه درست نان بیریلمس لیگیدن شکایت قیلگنلر.
محبوسلر آزاد بولیش حکملری صادر بولگونچه نیچه مرته تورلی کسللیکلریگه چلینهدیلر تورمهده وظیفه لنتیریلگن داکتر هم فقط نیچه ته تابلیت بیریش بیلن چیکلنهدی دیگن محبوسلر.
غزنی ولایتی نینگ عمومی تورمهسی 1330 ییلده قوریلگن لیگی ایتیلهدی.
