.jpg)
تخار ولایتی کلفکان تومن قوم بویوکلریدن بیری نینگ سلاموطندارگه ایتیشیچه، سنا کینگشیده بو ولایت نمایندهسی مولوی عبدالوهان عرفان و جنرال دوستم رهبرلیگیده ملی جنبش حزبی گه تیگیشلی جهادی قومندان خیر محمد تیمور نینگ جنگریلری آرهسیده آتیشمه یوزبیرگن کیم نتیجهده، 12 کیشی هلاک بولگن.
اونگه کوره، اوشبو حادثهده هلاک بولگنلرنینگ برچهسی جناب عرفان نینگ آدملری دیر.
مذکور آتیشمه بوگون (یکشنبه 4- جوزا) توشدن آلدین اوشبو ولایت کلفکان تومنی نینگ «قروقسای» قیشلاغیده یوزبیرگن.
منبع نینگ کوپهیتیریشیچه، هلاک ایتیلگنلر آرهسیده عیاللر و بالهلرهم شامل دیر.
عین حالده، خیرمحمد تیمور مذکور حادثهده آدملری نینگ قولی بارلیگی نی رد قیلیب ایتیشیچه، کلفکان ده ایمس دیر و شونینگدیک قوراللی آدملری هم یوق دیر.
مذکور حادثه حقیده سنا کینگش اعضاسی مولوی عبدالوهاب عرفان نینگ فکرینی قولگه کیلتیره آلمهدیک.
بیراق تخار پولیسی سوزلاوچیسی خلیل اسیر نینگ ایتیشیچه، بو حادثهده ایکی تاماندن 9 کیشی هلاک و باشقه 5 کیشی یرهلنگن.
