هلمند، قندوز، فاریاب، نورستان، بغلان، جوزجان، غور، تخار، کاپیسا، کنر، سمنگان، نیمروز، هرات، لغمان و ننگرهار ولایتلریده ناتینچلیک و اوروش باعث، 2 میلیون و 294 مینگ باله ایملش دستوری(ناگرانلیک واکسین) دن محروم قالگن.
بیرقطار ولایتلرده ساغلیق‌نی سقلش ریاستی مسووللری نینگ سلام‌وطندارگه ایتیشیچه، سونگی ناتینچلیک‌لر باعث، کوپ قطار باله‌لر ایملش دستوری(ناگرانلیک واکسین) دن محروم قالگنلر.
هلمند ولایتی بوییچه ساغلیق‌نی سقلش ریاستی باشلیغی عبدالاحد حازم نینگ سلام‌وطندارگه ایتیشیچه، دولت حاکمیتی‌گه بولمه‌گن منطقه‌لرده ایملش دستوری(ناگرانلیک واکسین) یولگه قویلمه‌گن و اوشبو ولایتده 400 مینگ باله ایملش دستوریدن محروم قالگن.
قندوز ولایتی بوییچه ساغلیق‌نی سقلش ریاستی مسووللریدن بیری جیلانی عطایی نینگ ایتیشیچه، اوشبو ولایتده اوروش شدتلنگنی سبب، 360 مینگ باله ایملش دستوری(ناگرانلیک واکسین) دن محروم قالگن.
هلمند و قندوز ولایت‌لریدن سونگ، فاریاب، نورستان، بغلان، جوزجان، غور، تخار، کاپیسا، سمنگان، نیمروز، هرات، لغمان و ننگرهار ولایتلریده ناتینچلیک‌لر کوپه‌یگنی سبب، کوپ قطار باله‌لر ایملش دستوری(ناگرانلیک واکسین) دن محروم قالگنلر.
عین‌حالده، سرپل، میدان‌وردک، بلخ و لوگر ولایتلریده ساغلیق‌نی سقلش مسووللری نینگ ایتیشیچه، قوم بویوکلرنینگ واسطه‌چیلیگی سبب، مذکور ولایتلرده ایملش دستوری(ناگرانلیک واکسین) عملی ایتیلگن.
سرپل ولایتی بوییچه ساغلیق‌نی سقلش ریاستی مسووللریدن بیری عبدالحق جلیس نینگ سلام‌وطندارگه ایتیشیچه، طالبان گروهی بیلن کیلیشوو صورت تاپگنی باعث، ایملش دستوری‌گه قرشی هیچ‌قندی قیین‌چیلیک یوق دیر.
ایملش دستوری(ناگرانلیک واکسین) نینگ معلومات بیریش بولیمی مسوولی میرجان راسخ نینگ ایتیشیچه، بو دستورده 8.5 میلیون باله نینگ واکسین ایتیلیشی اوچون قرار قیلینگن ایدی؛ بیراق 1 میلیون 158 مینگ باله مذکور کمپاین‌دن محروم قالگنلر.
جناب راسخ گه کوره، بیرقطار ولایتلرده امنیتی تهدیدلر بولگنی سبب، ایملش ستوری باشلنمه‌گن.
