ناتو تشکیلاتی نینگ باش کاتبی ینس استولتنبرگ، 3- و 4- دسامبر لند ده یولگه قوییلیشی خصوصیده قرار قیلینگن ناتو رهبرلری نینگ ییغینی عره‌فه‌سیده ایتیشیچه، طالبان گروهی مذاکره میزی گه حاضر بولیب و حقیقی کیلیشووگه تَن بیریشی کیره‌ک.
اونگه کوره، طالبان گروهی بیلن حقیقی بیر کیلیشوودن ایشانچ بیریش اوچون اینگ یخشی یوق افغانستان خوفسیزلیک کوچلری گه یاردم بیریش دوامی دیر. ناتو تشکیلاتی باش کاتبی نینگ کوپه یتیریشیچه، افغانستانده زوروانلیک کمه‌ییشی و حقیقی بیر کیلیشووگه سبب بوله‌دیگن بوتون حرکت‌لرنی خوش قرشی‌لیدی.
طالبان گروهی گه خطاب اونینگ ایتیشیچه: «بیزلر بو ییرده قالیش‌گه تیارمیز، بیزلر بیرگن سوزیمیزده توره‌میز و اولر اوروش میدانیده غالب بوله آلمه‌یدی.»
شونینگدیک، جناب استولتنبرگ نینگ ایتیشیچه، ناتو افغانستان تینچلیگی خصوصیده، طالبان گروهی بیلن آمریکا سوزلشووینی خوش قرشی‌لیدی. اونگه کوره، آمریکا بو سوزلشوولر توغریسیده ناتو بیرلشیک‌لری بیلن هردایم بحث قیله‌دی، چونکه افغانستانده آمریکادن باشقه مملکت‌لرنینگ حربی‌لری موجود دیر.
عین دمده، ناتو تشکیلاتی نینگ باش کاتبی، افغانستانده داعش گروهی قته‌غن قیلینیشی اوستیگه تأکیدلب و کوپه‌یتیریشیچه، افغانستانده داعش گروهی قیته‌دن باش کوتریشی گه توسیق بولیش کیره‌ک.
شو توغریده…
استولتنبرگ: ناتو و بیرلشیک‌لری افغانستاندن حمایت قیلیش گه دوام بیره‌دی
