شمالی اتلانتیک تشکیلاتی (ناتو) نینگ افغانستانده‌گی رسمیلری، بو مملکت‌ده امنیت تامین ایتیلیشی اوچون هیچ قنده‌ی مساله‌نی ایه مسلیک‌لرینی ایتگن‌لر. او، هیچ بیر زمان بو مملکت ترورچی‌لر مرکزیگه ایلنه‌نیش اوچون رخصت بیریلمسلیک اوچون اورغوله‌گن‌لر.
مذکورتشکیلات‌نینگ افغانستان بولیمی سوزلاووچی‌سی کارول پارانک سلام‌وطندار ترماغی بیلن مخصوص صحبت اوتکزیب، خوف‌سیزلیک فقط بیر مملکت‌گه چیکله‌نیب قالمی برچه اوچون ییریک تهدید حسابلنه‌دی دیگن.
جناب پارانیاک، ناتوگه اعضا مملکت‌لر رهبرلریدن جاری ییل‌دن کیین هم اوز همکارلیک‌لری اینیقسه افغانستان ملی کوچلرینی حربی تیارگرلیک‌دن اوتکزیش، مصلحت بیریش و باشقه بولیملرگه دوام بیریشی‌نی سوره‌شلرینی ایتگن.
اونینگ ایتیشیچه، افغان ملی کوچلریگه بولگن مالی همکارلیک‌که دوام بیریش، اصلاحات کیریتیش، شفافیت، جواب بیریش، فسادنی یوق قیلیش، اقتصاد رواجله‌نیشی، سیاسی و حربی ساحه‌ه ده عیاللرنی دستکلش، باله‌لر سقله‌نیشی اوچون لازم تدبیرلر انابت‌گه آلیش ناتونینگ افغانستانده‌گی تکلیف‌لر حسابلنه‌دی.
افغانستان‌ده ناتو تشکیلاتی‌نینگ سوزلاووچی‌سی، امنیتی اداره‌لرگه اساسی مهرلرنی تعین ایتیلیشی بو اداره‌لرگه ایجابی اوزگریش‌لر کیلیشی‌گه باعث بولگن دیدی. او، افغان امنیتی مخصوص کوچلری‌نینگ اوتکزه‌جک عملیات‌لرینی مثال اوله راق تیلگه آلگن.
عین حالده، ناتو تشکیلاتی‌نینگ اوشبو یوقاری مرتبه‌لی رسمی‌سی، تروچیلیککه قرشی کوره‌ش‌ده افغانستان‌نی یالغوز قالدیرمس‌لیک لری استیده تاکید ایتگن.
ناتو تشکیلاتی‌نینگ مذکور یوقاری مرتبه‌لی رسمی‌سی بو قبیل سوزلرنی پولند پایتختی وراسا شهریده ناتو نینگ عمومی مجلسی اوتکزیلیشی ریجه لنتیریلگن بیر پیت‌ده تیلگه آلماقده.
