افغانستان بوییچه ناتو تشکیلاتی‌نینگ ملکی ایلچیسی کارنیلیوس زمرمن، افغانستان تینچلیگی خصوصیده بولگن سونگی سعی و حرکت‌لرنی ایجابی دیگن.
افغانستان جمهور رئیسی‌نینگ تینچلیک خصوصیده منطقه‌یی ایش‌لر بوییچه خاص نماینده‌سی و تینچلیک عالی کینگشی‌نینگ دبیرخانه باشلیغی محمدعمر داوودزی بیلن اوچره‌شگن جناب زمرمن نینگ ایتیشیچه، ناتو افغانستان‌لیک‌لرنینگ رهبرلیگی‌ده تینچلیک جریانیدن حمایت قیله‌دی و همکارلیک‌لری دوامیده کوپینچه مسئله‌لرنی نظرگه آلگن.
اوشبو اوچره‌شووده جناب داوودزی‌نینگ ایتیشیچه، تینچلیک جریانی افغانستان‌لیک‌لرنینگ رهبرلیگی‌ده عمل‌گه آشیریله‌دی و بو جریانیده یاردم بیرووچی مملکت‌لر زمینه یره‌تووچی رولی‌نی اوینه‌یدیلر. او، منطقه و دنیا مملکت‌لریدن تینچلیک جریانیدن کوپراق حمایت قیلیش‌لرینی سوره‌دی.
عین حالده، طالبان گروهی دوحه و مسکوده یولگه قوییلگن سونگی ایکی ییغینده افغانستان حکومتی‌نینگ نماینده‌لری بیلن مذاکره قیلیش اوچون هیچ قنده‌ی علاقه کورستمه‌گن.
دوحه ییغینیده افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد، طالبان گروهی بیلن اوچره‌شدی و سونگی ییغینده مسکو طالبان گروهی‌نینگ اون کیشی‌لیک هیأتی و افغانستان‌نینگ سیاسی سیمالریدن بیرقطاری گه میزبانلیک قیلدی.
