ناتو باش کاتبی ینس استولتنبرگ نینگ ایتیشیچه، افغانستان بوییچه تینچلیک سوزلشوولر قیته‌دن باشلنگن صورتده، اوشبو سازمان تامانیدن خوش قرشی‌لنه‌دی، بیراق طالبان گروهی نینگ حرکتی «بو گروهی دایمی تینچلیک‌که علاقه‌سی یوق‌لیگی‌نی کورسته‌دی و هرقندی تنیچلیک‌که اولردن اعتبارلی ضمانت آلینیشی کیره‌ک.»
اونینگ ایتیشیچه، طالبان گروهی زوره‌وانلیک‌که نقطه قویش خصوصیده سعی و حرکت قیلمه‌یدی.
جناب استولتنبرگ "دوشنبه" کونی لندن ده «ناتو اعضالری بولگن مملکت‌لر نماینده‌لری نینگ ییغینیده» صحبت قیلیب طالبان گروهی‌دن تینچلیک سوزلشوولر قیته‌دن باشلنگن صورتده، بیرقطار ایستک‌لریدن وازکیچیشی‌نی سوره‌گن.
ناتو باش کاتبی گوره، افغانستان نینگ ینه‌بیر مرته تروریست‌لر مرکزیگه اوزگریلیشی اوچون رخصت بیریلمه‌یدی.
ایتیلیشیچه، ینگی‌لیکده وال‌استریت ژورنال، آمریکا و طالبان آره‌سیده بولگن تینچلیک سوزلشوولر باشله‌نیشی ممکن‌لیگیدن گزارش بیرگن ایدی.
اوشبو کونده‌لیک گزارشی‌گه کوره، افغانستان تینچلیک لایحه‌سی بوییچه آمریکا خاص نماینده‌سی، بیرلشگن ملت‌لر تشکیلاتی نینگ عمومی ییغینیده بیرقطار دیپلمات‌لر بیلن صحبت قیلگنی‌دن سونگ، طالبان گروهی نینگ قطرده‌گی سیاسی دفتری باشلیغی ملابرادر بیلن اوچره‌شیب تینچلیک سوزلشوولر خصوصیده صحبت قیلگن.
