بروکسل‌ده ناتو مدافعه وزیرلری‌نینگ ییغینی یولگه قوییلیشی‌دن آلدین اوتکزیلگن خبری بیر ییغینده نطق سوزله‌گن ناتو باش کاتبی ینس استونتلبرگ نینگ ایتیشیچه، طالبان گروهی بیلن بولگن تینچلیک کیلیشووی توغریسیده حاضرچه بیر نرسه دییش‌گه وقت دیر.
ناتو باش کاتبی‌نینگ کوپه‌یتیریشیچه، افغانستانده اوروش یکونله‌نیشی خصوصیده، اساسی بیر ییچیم یول تاپیلگونگه‌قدر، ناتو افغانستان امنیتی کوچلریگه قیله‌دیگن همکارلیک‌لریگه دوام بیره‌دی.
اونینگ ایتیشیچه، آمریکا قوشمه ایالت‌لری، ناتونینگ تینچلیک جریانی یوتوقلریدن خبر قیله‌دی و بو تشکیلات احتمالی تینچلیک شرطنامه‌سینی منفعتی خصوصیده کیلیشیش و بو جریانده ناتو نیمه همکارلیک قیلیشی توغریسیده، مصلحت‌لریگه دوام بیره‌دی.
ناتو باش کاتبی‌نینگ کوپه‌یتیریشیچه، افغانستانده وضعیت قیین دیر؛ بیراق تینچلیک‌که ایریشیش خصوصیده، سعی و حرکت‌لر دوام ایتماقده.
اونینگ ایتیشیچه، بیللی بولگن نرسه بو دیر کیم، بیزلر بیردیک افغانستان گه کیردیک و شونینگدیک، کیله‌جک‌ده قالیشیمیزنی بیردیک تعیین قیله‌میز.
