جمهورلیک ریاستی تامانیدن ترقه‌تیلگن خبرنامه‌ده ایتیلیشیچه، بوگون ایرته‌لب مملکت جمهور رئیسی محمداشرف غنی، دولت بلند مرتبه‌لی بیر هیأت همراه‌لیگی‌ده ناتو تشکیلاتی باشلیغ‌لری‌نینگ ییغینی‌گه اشتراک قیلیب و نطق سوزلش اوچون بلژیک باشکینتی بروکسل کیتگن.
کابل‌ده خبری ییغین اوتکزگن جمهورلیک ریاستی سوزلاوچیسی اورین باسری شاه‌حسین مرتضوی‌نینگ ایتیشیچه، بوگون بروکسل‌ده باشلنگن ناتو تشکیلاتی باشلیغ‌لری‌نینگ ییغینی باشقه ایکی کون‌گچه دوام ایته‌دی و بو ییغینده افغانستان موضوعی، چیگره‌دن تشقری ترورچیلیک‌که قرشی کوره‌ش، افغانستان تینچلیک لایحه‌سیدن حمایت قیلیش و اقتصادی جنایتچی ترماقلریگه قرشی کوره‌ش موضوعلری بحث گه آلینه‌دی.
جمهور رئیس غنی، پنج‌شنبه کون افغانستان نماینده‌لیگی‌دن ناتو تشکیلاتی باشلیغ‌لری‌نینگ ییغینیده نطق سوزله‌شی ممکن.
بروکسل‌ده سلام‌وطندار خبرچیسی‌نینگ ایتیشیچه، اوشبو ییغینده افغانستانده ناتو حضوری دوامی، طالب‌لر بیلن افغانستان حکومت تینچلیک لایحه‌سینی رسمیت گه تانیش و بو لایحه‌دن حمایت قیلیش و شونینگدیک، میلادی 2024- ییل‌گه قدر افغانستان گه ییل‌ده 4 میلیارد دالر توللش بحث گه آلینه‌دی.
سلام‌وطندار خبرچیسی‌نینگ کوپه‌یتیریشیچه، ناتو تشکیلاتی‌نینگ باشلیغ‌لری داعش گروهی گه قرشی خلق ارا ائتلاف، داعش گه قرشی کوره‌ش اوچون افغانستان قنده‌ی یاردم بیره‌دی و قنده‌ی یاردملرگه احتیاجلیگی توغریسیده، کیله‌جک بحث قیلیشی ممکن.
شونینگدیک، اوشبو ییغینده مملکت اجراییه باشلیغی عبدالله عبدالله اشتراک قیلگن و بو ییغین‌نی چیکه‌سیده ناتو تشکیلاتی باشلیغ‌لری‌نینگ نماینده‌لری بیلن اوچره‌شیب و بحث قیلیشی توغریسیده قرار قیلینگن.
