ناتونینگ عمومی منشی‌سی ینس ستولتنبرگ پنج‌شنبه کیچه‌سی بروکسلده خبری انجمن آلیب، حاضرگه قدر افغانستانگه ناتوگه اعضا ۱۵ مملکت کوپراق کوچ یوباریش باره‌سیده تیارلیک کورستگن دیدی.
اما قیسی مملکت، افغانستانگه قنچه کوچ یوباریش باره‌سیده بیرنرسه دیمه‌دی.
ناتونینگ عمومی منشی‌سی تشقی کوچلرنینگ افغانستانگه کوپه‌یتیریش تصمیمی مملکت امنیتی کوچلرینی کوچلنتیریش اوچون آلینگن دیدی. اونینگ ایتیشیچه، ناتونینگ اساسی مسؤولیتی افغانستان حربیلریگه مصلحت بیریش و اورگه‌تیش بولگن و ناتونی اوروش میدانی‌گه قیتمسی‌گه تأکید قیله‌دی.
ناتو عمومی منشی‌سی‌نینگ کوپه‌یتیریشیچه، هوایی کوچلر یوکسلیشی و افغانستان حربی اکادمی‌کلریده اورگه‌تیش بولیمینی حمایت قیله‌دی و ثباتلی بیر افغانستان بولیشینی ایسته‌یدی.
او صحبتلری ارا طالبلر و باشقه گروه‌لر افغانستان حکومتی بیلن تینچ‌لیک لایحه سینی قبول قیلیشلری باره‌سیده حربی یول بیلن قدرتگه ایتیش ممکن ایمس دیدی.
اونگه کوره، عصانچی گروه‌لر افغانستان حکومتی‌نینگ تینچ‌لیک چقیریغی‌گه ایجابی جواب بیرمه‌گن تقدیرده ناتو افغانستان حربی‌لری بیلن اولرنی نابود قیله‌دی.
حاضرگه قدر ناتونینگ افغانستانگه ینگی قنچه کوچ یوباریش مسله‌سی انیق ایمس، اما ناتو افغانستان امنیتی کوچلریگه مصلحت بیریش و اورش فنلرینی اورگه‌تیش اوچون ۳۰۰۰ مینگ ینگی کوچ یوباریشی ممکن.
