سنا مجلسی‌نینگ اعضالری همده سیاسی حزب‌لر 2020- ییل‌گه قدر افغانستان ناتو آرقه‌لی مالی حمایت ایتیلیشی‌نی آلقیش له‌گن‌لر.
سنا مجلسی‌نینگ بوگون (یکشنبه) عمومی ییغینی‌ده سوزله‌گن بیر قنچه افغانستانلیک سناتورلرنینگ بیر قطاری، مملکت حربیلری ناتو تشکیلاتی تامانیدن مالی دستلک‌له‌نیشی ملی کوچلر ورحی کوچله‌نیشی‌گه سبب بوله‌دی دیگنلر.
شونینگ‌دیک سناتورلر، حکومت‌نینگ، افغان ملی کوچلری خرجتی توغریسی‌ده بولگن تشویشی 2020- ییل‌گه قدر بر طرف ایتیلدی دیدیلر.
سنا مجلسی‌نینگ اعضالری، مملکت ملی حربی کوچلری ناتو تشکیلاتی آرقه‌لی مالی حمایت ایتیلیشی، مملکت سیاسی تیزیمی تونتریلمس‌لیگی اوچون دولت قوراللی مخالف‌لریگه یاروق بیر پیام دیگنلر.
سنا مجلسی نینگ اعضالریدن بیری گل‌احمد اعظمی‌نینگ سوزلریگه کوره، پولند پایتختی وارساده ناتونینگ ییغینی‌ده افغانستان حکومتی حمایت بولیش مساله‌سی مملکت خلقی‌نی کیله‌جک اوچون امیدار قیلگن.
شونینگ‌دیک جناب اعظمی، افغانستان حکومتی ناتو تامانیدن دستکله‌نیشی مملکت ملی کوچلری روحی نی آلدین کوره یخشی راق کوتاره‌دی دیگن
.
عین حالده، افغانستان ملی نوین جبهه‌سی نینگ باشلیغی انورالحق احدی کابل‌ده اوتکزگن خبری بیر انجمن‌ده، افغانستان ملی قوشین‌لری 2020 – ییل‌گچه دنیا هم‌جمعیتی تامانیدن مالی حمایت ایتلیشی‌نی خوش قرشی‌له‌گن.
اما، جناب احدی، افغانستان ملی بیرلیک حکومتی‌نینگ رهبرلری ناتونینگ همکارلیگی، مذکور حکومت قانونولیک انقراضینی برطرف ایتمیدی دییه تاکید قیلگن.
شونینگ‌دیک جناب احدی، حکومت رهبرلر تامانیدن مشروعیت بحرانی نظرده توتیلمه‌گن لیگی، مملکت سیاسی استقرارینی خطرگه روپه ره قیله‌دی دیگن.
افغانستان ملی نوین جبهه‌سی ملی بیرلیک حکومتی یالغوز افغانستان خلقی تامانیدن قانونی لیگی تصدیق لنه‌دی، خلق ارا هم جمعیت تامانیدن ایمس. حکومت خلق ایچیده محبوبیتی جوده کم بولگن لیگینی سیزیش کیره‌ک.
شونینگ‌دیک افغانستان ملی نوین حرکتی نینگ باشلیغی جناب احدی، دنیا جماعه چیلیگی‌دن حکومت‌گه کورسته‌جک یاردم‌لرینی جدی نظارت قیلیش‌نی سوره‌گن.
